2014 సార్వత్రిక ఎన్నికల్లో భాజపా విజయం, ఇటీవలి ఆంధ్రప్రదేశ్ ఎన్నికల్లో జగన్ పార్టీ అఖండ విజయంలో ఎన్నికల వ్యూహకర్త ప్రశాంత్ కిషోర్ కీలక పాత్ర పోషించారు. ఇప్పుడు అదే ప్రశాంత్ కిషోర్ పశ్చిమ బంగకు వెళ్లారు. కోల్‌కతాలో బెంగాల్ ముఖ్యమంత్రి మమతా బెనర్జీతో సమావేశమయ్యారు.
టీఎంసీ ఎంపీ, మమత మేనల్లుడు అభిషేక్ బెనర్జీ సహా కిషోర్తో సుమారు రెండు గంటల పాటు చర్చలు జరిపారు దీదీ.
అసెంబ్లీ ఎన్నికల వేళ..
2021లో బెంగాల్ అసెంబ్లీకి ఎన్నికలు జరగనున్నాయి. ఈ నేపథ్యంలో మమతా బెనర్జీకి వ్యూహకర్తగా ప్రశాంత్ కిషోర్ పనిచేయనున్నట్లు తెలుస్తోంది. టీఎంసీకి వ్యూహకర్తగా పనిచేసేందుకు ఆయన సూత్రప్రాయంగా అంగీకారం తెలిపినట్లు సమాచారం. రాజకీయ చాణక్యుడిగా పేరున్న ప్రశాంత్ కిషోర్ తమ పార్టీకి సేవలందిస్తే రాబోయే అసెంబ్లీ ఎన్నికల్లో బీజేపీని నిలువరించవచ్చని మమత భావిస్తున్నట్లు పార్టీ వర్గాలు పేర్కొన్నాయి.