పూర్వా ఎక్స్​ప్రెస్​కు ప్రమాదం- 13మందికి గాయాలు

ఉత్తరప్రదేశ్​ కాన్పూర్​ సమీపంలో పూర్వా ఎక్స్​ప్రెస్​ పట్టాలు తప్పింది. ఐదు బోగీలు బోల్తా పడ్డాయి. సమాచారం అందుకున్న రైల్వే సిబ్బంది హుటాహుటిన ఘటనా స్థలానికి చేరుకుని  రక్షణ చర్యలు ప్రారంభించారు. ప్రమాదంలో 13 మంది ప్రయాణికులు గాయపడ్డారు.

హౌరా - దిల్లీ మధ్య ప్రయాణించే పూర్వా ఎక్స్​ప్రెస్​ పట్టాలు తప్పింది. ఉత్తరప్రదేశ్​ కాన్పూర్​ సమీపంలోని రూమా గ్రామ సమీపంలో అర్ధరాత్రి ఒంటి గంటకు ఈ ప్రమాదం జరిగింది. 5 బోగీలు బోల్తా పడ్డాయి. ఘటనలో 13 మంది ప్రయాణికులు గాయపడ్డారు. రైలులోని 12 బోగీలు ధ్వంసమయ్యాయి.

ప్రయాణికులను కాన్పూర్​ సెంట్రల్​ రైల్వే స్టేషన్​కు తరలించేందుకు అధికారులు బస్సులను ఏర్పాటు చేశారు. అక్కడినుంచి ప్రత్యేక రైలు ద్వారా దిల్లీకి ప్రయాణికులను చేరవేస్తామని కాన్పూర్​ జిల్లా మేజిస్ట్రేట్​ విజయ్​ విశ్వాస్​ పంత్ తెలిపారు.

ఇదీ చూడండి: ఇంజనీరింగ్ విద్యార్థిని హత్యపై ఆందోళనలు