సార్వత్రిక ఎన్నికల చివరి విడత పోలింగ్లోనూ బంగాల్లో అక్కడక్కడ ఉద్రిక్త పరిస్థితులు ఏర్పడ్డాయి. బసిర్హట్లోని పోలింగ్ కేంద్రం ముందు ఓటర్లు నిరసనలకు దిగారు. తృణమూల్ కాంగ్రెస్ కార్యకర్తలు తమను ఓటు వేయకుండా అడ్డుకుంటున్నారంటూ ఆందోళన చేపట్టారు.
సుమారు 100 మందితో కూడిన తృణమూల్ బృందం.. ఓటర్లను భయబ్రాంతులకు గురిచేస్తోందని ఆరోపించారు అక్కడి భాజపా అభ్యర్థి సయంతన్ బసు. ఈయన వ్యాఖ్యల అనంతరం బంగాల్ బసిర్హట్లోని 189 వ పోలింగ్ కేంద్రం వద్ద అదనపు బలగాలు మోహరించాయి. పరిస్థితిని అదుపులోకి తెచ్చి... సజావుగా పోలింగ్ నిర్వహించేందుకు అధికారులు ప్రయత్నిస్తున్నారు.
