అమెరికా అధ్యక్ష ఎన్నికల్లో విజయం సాధించిన జో బైడెన్కు, ఉపాధ్యక్షురాలిగా బాధ్యతలు చేపట్టనున్న కమలా హారిస్కు భారత రాష్ట్రపతి రామ్నాథ్ కోవింద్, ప్రధాని నరేంద్ర మోదీ అభినందనలు తెలిపారు.
అమెరికా అధ్యక్షుడిగా ఎన్నికైన జో బైడెన్, ఉపాధ్యక్షురాలిగా గెలిచిన కమలా హారిస్కు నా హృదయపూర్వక అభినందనలు. భారత్- అమెరికా సంబంధాల బలోపేతానికి మీతో కలిసి పనిచేసేందుకు ఎదురుచూస్తున్నాను.
- రామ్నాథ్ కోవింద్, భారత రాష్ట్రపతి
"మీరు అద్భుతమైన విజయం సాధించినందుకు అభినందనలు. భారత్-అమెరికా సంబంధాలను బలోపేతం చేయడానికి మీ సహకారం అమూల్యమైనది. ఇరు దేశాల సంబంధాలను మరింత ఎత్తుకు తీసుకెళ్లేందుకు మీతో కలిసి పనిచేయడానికి నేను ఎదురుచూస్తున్నాను"
- ప్రధాని మోదీ
మరోవైపు ఉపాధ్యక్షురాలిగా బాధ్యతలు చేపట్టనున్న భారత సంతతి వ్యక్తి కమలా హారిస్ విజయంపై ప్రధాని మరో ట్వీట్‌ చేశారు.
"మీ విజయం మార్గదర్శకం. భారతీయ-అమెరికన్లందరికీ గర్వకారణం. మీ సహకారంతో భారత్-అమెరికా సంబంధాలు మరింత బలంగా ఉంటాయని నేను విశ్వసిస్తున్నాను"
- ప్రధాని మోదీ
కాంగ్రెస్ అధినేత్రి సోనియా గాంధీ సహా పలువురు నేతలు జో బైడెన్, కమలా హారిస్ అభినందనలు తెలిపారు. ఆద్యంతం ఉత్కంఠగా సాగిన అధ్యక్ష ఎన్నికల్లో బైడెన్ 284 ఎలక్టోరల్‌ ఓట్లు సాధించగా, ట్రంప్‌ 214 దగ్గరే ఆగిపోయారు. దీంతో 77 ఏళ్ల జో బైడెన్ అమెరికా అధ్యక్ష పదవీ కల సాకరమైంది. ఈ విజయంపై ప్రపంచవ్యాప్తంగా ఆయనకు శుభాకాంక్షలు వెల్లువెత్తుతున్నాయి. ఆయన మద్దతుదారులు అమెరికా వ్యాప్తంగా సంబరాలు జరుపుకుంటున్నారు.
