'కేఏపీపీ-3 ప్లాంటు మేక్​ ఇన్​ ఇండియాకు ఓ ఉదాహరణ'

కాక్రపార్​ అణు విద్యుత్తు కేంద్రంలోని న్యూక్లియర్​ శాస్త్రవేత్తలకు శుభాకాంక్షలు తెలిపారు ప్రధానమంత్రి నరేంద్ర మోదీ. దేశీయంగా తయారు చేసిన 700 మెగావాట్ల అణు రియాక్టర్​ భారత్​లో తయారీకి ఓ ఉదాహరణ అని కితాబిచ్చారు.

ఎంతో క్లిష్టతరమైన కాక్రపార్​ అణు విద్యుత్‌ ప్లాంట్‌-3ను విజయవంతంగా నిర్మించటంపై సంతోషం వ్యక్తం చేశారు ప్రధానమంత్రి నరేంద్ర మోదీ. భారత అణు శాస్త్రవేత్తలను అభినందించారు. 700 మెగావాట్ల విద్యుదుత్పత్తి సామర్థ్యంతో ప్లాంట్​ను.. గుజరాత్‌లోని కాక్రపార్​ అణు విద్యుత్‌ కేంద్రంలో నిర్మించారు. మూడో ప్లాంటును విజయవంతంగా నిర్మించటంపై ఈ మేరకు ట్వీట్​ చేశారు మోదీ.

"కాక్రపార్​​ అణు విద్యుత్తు ప్లాంట్​-3ను విజయవంతంగా నిర్మించటం పట్ల అణు​​ శాస్త్రవేత్తలకు నా శుభాకాంక్షలు. దేశీయంగా తయారు చేసిన 700 మెగావాట్ల కేఏపీపీ-3 అణు రియాక్టర్​.. భారత్​లో తయారీకి ఓ ఉదాహరణ. భవిష్యత్తు విజయాలకు ఈ ప్లాంట్​ నాంది పలుకుతుంది."

- నరేంద్ర మోదీ, ప్రధానమంత్రి.

ఇదీ చూడండి: హైకోర్టు ఆదేశాలపై సుప్రీం కోర్టుకు అసెంబ్లీ స్పీకర్​!