న్యూజిలాండ్ ప్రధానికి మోదీ అభినందనలు

సాధారణ ఎన్నికల్లో రెండోసారి ఘన విజయం సాధించిన న్యూజిలాండ్‌ ప్రధాని జెసిండా ఆర్డెన్న్​కు ప్రధాని మోదీ అభినందనలు తెలిపారు. ఆర్డెర్న్​ సర్కార్​తో కలిసి మరోసారి పనిచేసేందుకు ఎదురుచూస్తున్నట్లు చెప్పారు.

న్యూజిలాండ్‌లో జరిగిన సాధారణ ఎన్నికల్లో రెండోసారి ఘన విజయం సాధించిన ఆ దేశ ప్రధాని జెసిండా ఆర్డెర్న్‌కు.. ప్రధానమంత్రి నరేంద్ర మోదీ అభినందనలు తెలిపారు.

ఇరు దేశాల మధ్య ద్వైపాక్షిక సంబంధాలను నూతన శిఖరాలకు చేర్చేలా ఆర్డెర్న్ నేతృత్వంలోని సర్కార్‌తో మరోసారి పనిచేసేందుకు ఎదురు చూస్తున్నానని మోదీ ట్వీట్‌ చేశారు.

"అద్భుతమైన విజయం సాధించిన న్యూజిలాండ్ ప్రధాని జెసిండా ఆర్డెర్న్​కు నా హృదయపూర్వక అభినందనలు. సంవత్సరం క్రితం కలిసిన సందర్భాన్ని గుర్తు చేసుకుంటూ.. భారత్-న్యూజిలాండ్ మధ్య సంబంధాలను అత్యున్నత స్థాయికి చేర్చడం కోసం కలిసి పనిచేసేందుకు ఎదురుచూస్తున్నాను."

-నరేంద్ర మోదీ, ప్రధాన మంత్రి

ఇటీవలే జరిగిన న్యూజిలాండ్​ సాధారణ ఎన్నికల్లో జెసిండా ఆర్డెర్న్​ ఘన విజయం సాధించారు. ఆమె ప్రాతినిధ్యం వహించిన లిబరల్​ లేబర్​ పార్టీ ఈ ఎన్నికల్లో భారీ మెజార్టీ అందుకుంది. మొత్తం ఓట్లలో 49 శాతం జెసిండా పార్టీకే దక్కాయి.

ఇదీ చదవండి-న్యూజిలాండ్​ ప్రధానిగా జెసిండాకు మళ్లీ పట్టం