'జనవరిలోనే కరోనా వ్యాక్సిన్​'

ఎప్పుడెప్పుడా అని ఎదురుచూస్తున్న కొవిడ్​-19 టీకా.. వచ్చే ఏడాది జనవరిలో అందుబాటులోకి వచ్చే అవకాశముందని అభిప్రాయపడ్డారు కేంద్ర ఆరోగ్య మంత్రి హర్షవర్ధన్​. అయితే.. వ్యాక్సిన్​ భద్రత, పనితీరుకే తమ తొలి ప్రాధాన్యమన్నారు.

భారత్​లో కరోనా వ్యాక్సిన్​ త్వరలోనే అందుబాటులోకి వస్తుందని ఆశాభావం వ్యక్తం చేశారు కేంద్ర ఆరోగ్యశాఖ మంత్రి హర్షవర్ధన్​. వచ్చే ఏడాది జనవరిలోనే తొలి దశ టీకా అందించేందుకు ప్రయత్నిస్తున్నట్టు చెప్పారాయన.

అయితే.. కొవిడ్​-19 టీకా విషయంలో భద్రత, పనితీరుకే తొలి ప్రాధాన్యమని పునరుద్ఘాటించారు ఆరోగ్య మంత్రి. ఈ విషయంలో ఎలాంటి పరిస్థితుల్లోనూ రాజీపడేది లేదని తేల్చిచెప్పారు.

ఇదీ చదవండి:సీఎంకు నిరసన సెగ- నల్ల జెండాలతో ఆందోళనలు