దేశవ్యాప్తంగా చర్చనీయాంశమైన ఉన్నావ్ అత్యాచార కేసు నిందితుడు కుల్దీప్ సెన్గర్ను భాజపా ఇంకా ఎందుకు పార్టీ నుంచి తొలగించడం లేదని ప్రశ్నించారు కాంగ్రెస్ ప్రధాన కార్యదర్శి ప్రియాంక గాంధీ. సెన్గర్కు ఉన్న రాజకీయ అధికారాలు రద్దు చేయాలని ట్విట్టర్ వేదికగా ప్రధాని నరేంద్ర మోదీని డిమాండ్ చేశారు ప్రియాంక.
" ఈ నేరస్థుడికి, అతని సోదరుడికి మీ పార్టీలో ఉన్న అన్ని అధికారాలు రద్దు చేయండి ప్రధాని. ఇంకా ఆలస్యమేం కాలేదు. "
-ప్రియాంక గాంధీ ట్వీట్.
ఉన్నావ్ అత్యాచార బాధితురాలు కారు ప్రమాద ఘటనకు సంబంధించి భాజపా ఎమ్మెల్యే కుల్దీప్ సెన్గర్తో పాటు మరో 8 మందిపై హత్య కేసు నమోదు చేశారు పోలీసులు.
బాధితురాలి కుటుంబాన్ని సెన్గర్ బెదిరించి భయాందోళనకు గురిచేసినట్లు ఎఫ్ఐర్లో పేర్కొన్న విషయాన్ని ట్వీట్లో ట్యాగ్ చేశారు ప్రియాంక.