సైకత శిల్పంతో భారతావనికి రక్షా బంధన్​

ఒడిశాలోని పూరీ సముద్రతీరంలో ప్రముఖ సైకత శిల్పి మానస్ సాహూ​ అద్భుత కళాఖండాన్ని రూపొందించారు. స్వాతంత్ర్య దినోత్సవం, రాఖీ పూర్ణిమ విశిష్టతలను ప్రతిబింబించేలా ఇసుకతో సుందర కళాకృతిని తీర్చిదిద్దారు.

భారత దేశమంతటా స్వాతంత్ర వేడుకలు అంబరాన్నంటుతున్నాయి. ఒక్కొక్కరూ తమ మదిలో ఉన్న దేశ భక్తిని ఎలుగెత్తి చాటుతున్నారు. పంద్రాగస్టుకు తోడు అన్నా చెల్లెళ్ల అనుబంధానికి ప్రతీకగా నిలిచే రాఖీ పూర్ణిమ ఈరోజే కావడం విశేషం.

ప్రముఖ సైకత శిల్పి మానస్ సాహూ​ ఈ రెండు పండుగల విశిష్టతను ప్రతిబింబించేలా కళాకృతిని రూపొందించారు. ఒడిశాలోని పూరీ సముద్రతీరాన ఇసుక తెన్నెలపైన రక్షా బంధన్​కు భారత చిత్రపటాన్ని జోడించి అద్భుతమైన కళను ప్రదర్శించారు.

ఇదీ చూడండి:నరేంద్ర మోదీ పంద్రాగస్టు​ ప్రసంగం హైలైట్స్​.