అయోధ్య రామమందిరం కంటే పెద్దగా బిహార్ సీతామఢీలో సీత విగ్రహాన్ని ఏర్పాటుచేయాలని డిమాండ్ చేశారు ఎల్జేపీ అధినేత చిరాగ్ పాసవాన్. సీతారాములు ఒకరు లేకపోతే మరొకరు అసంపూర్ణమేనని.. కాబట్టి సీతామఢీని కలిపేలా అయోధ్య నుంచి ఓ కారిడార్ను నిర్మించాలని కోరారు.
విజయదశమి రోజున సీతామఢీలోని పునౌరా ధామ్ వద్ద ప్రత్యేక పూజలు నిర్వహించిన సందర్భంగా ఈ అంశాన్ని ప్రస్తావించారు చిరాగ్. బిహార్ తొలి విడత అసెంబ్లీ ఎన్నికలకు 3 రోజుల ముందు ఈ వ్యాఖ్యలకు ప్రాధాన్యం ఏర్పడింది.