'పీఓకేను తిరిగిపొందడమే మా తదుపరి అజెండా'

కేంద్ర మంత్రి జితేంద్ర సింగ్​ సంచలన వ్యాఖ్యలు చేశారు. అధికరణ 370 రద్దు అనంతరం.. భారత్-పాక్​ మధ్య ఉద్రిక్తతలు చెలరేగుతున్న వేళ మరోసారి కశ్మీర్​ అంశంపై మాట్లాడారు. పాక్​ ఆక్రమిత కశ్మీర్​ను తిరిగిపొందడమే తమ అజెండాగా పేర్కొన్నారు.

జమ్ముకశ్మీర్​కు స్వయం ప్రతిపత్తి కల్పించే అధికరణ-370 రద్దు అనంతరం.. భారత్​-పాక్​ మధ్య ఉద్రిక్తతలు చెలరేగాయి. ఈ నేపథ్యంలో తాజాగా కశ్మీర్​ అంశంపై సంచలన వ్యాఖ్యలు చేశారు కేంద్ర మంత్రి జితేంద్ర సింగ్​.

తమ తదుపరి అజెండా పాక్​ ఆక్రమిత కశ్మీర్​ను తిరిగిపొందడమేనని అన్నారు. ఓ మీడియా సమావేశంలో పాల్గొన్న ఆయన ఈ విధంగా మాట్లాడారు.

''మా తదుపరి అజెండా పాక్​ ఆక్రమిత కశ్మీర్​ను ​తిరిగిపొందడమే. దీనిని తిరిగి భారత్​లో అంతర్భాగం చేయాలి. ఇది కేవలం నా, మా పార్టీ నిబద్ధతే కాదు. కానీ.. 1994లో ప్రధాని నర్సింహారావు నేతృత్వంలోని కాంగ్రెస్​ ప్రభుత్వంలో పార్లమెంటు ఏకగ్రీవంగా ఆమోదించిన తీర్మానంలో ఓ భాగం. ''

- జితేంద్ర సింగ్​, కేంద్ర మంత్రి