మనసులో మాట చెప్పేందుకు రాలేదు: రాహుల్
ప్రధాని నరేంద్రమోదీవి అసత్య హామీలని మరోమారు పరోక్ష విమర్శలు గుప్పించారు కాంగ్రెస్ అధ్యక్షుడు రాహుల్ గాంధీ. తాను మాత్రం ప్రజల కష్టాలు తెలుసుకుని, వాటి సమస్య పరిష్కారానికి చిత్తశుద్ధితో కృషి చేస్తానని చెప్పారు.
అమేఠీతోపాటు తాను పోటీచేస్తున్న కేరళ వయనాడ్లో ఎన్నికల ప్రచారం చేశారు రాహుల్.
"గత ఐదేళ్ల నుంచి ప్రధాని మోదీ, ఆర్ఎస్ఎస్ ఆలోచనలపై పోరాటం చేస్తున్నాం. వారి ఆలోచనల్లోని అంతరార్థం కేవలం ఒకే వ్యక్తి దేశాన్ని పాలించాలనే. ఆర్ఎస్ఎస్ తన ఆలోచనలను మనపై ఎందుకు రుద్దుతుందో మీరే చెప్పాలి. దక్షిణ భారత గళాన్ని వినిపించాలనే అమేఠీతో పాటు వయనాడ్ నుంచి పోటీ చేస్తున్నా. మీ మాట ఎవరికన్నా తక్కువ కాదు. రాజకీయ నాయకుల్లా అది చేస్తా, ఇది చేస్తా అని చెప్పడానికి ఇక్కడికి రాలేదు. నా మనసులో మాటను చెప్పను. మీ మనసులోని వాటిని అర్థం చేసుకోవడానికే వచ్చాను. "
- రాహుల్ గాంధీ, కాంగ్రెస్ అధ్యక్షుడు.