'చెన్నై ఎక్స్​ప్రెస్' డైలాగ్​తో కరోనాపై ప్రజల్లో అవగాహన

కరోనా కట్టడిలో భాగంగా నాగ్​పుర్​ పోలీసులు విన్నూత ప్రయత్నం చేశారు. షారుక్​ఖాన్​ ​'చెన్నై​ ఎక్స్​ప్రెస్​' సినిమాలోని ఫేమస్​ డైలాగ్​ను ట్వీట్ చేసి, ఈ వైరస్​పై ప్రజలకు అవగాహన కల్పిస్తున్నారు.

కరోనా వ్యాప్తిని తగ్గించేందుకు ప్రముఖుల నుంచి సెలబ్రిటీల వరకు పలురకాల సూచనలు ఇస్తున్నారు. అయితే ఈ వైరస్​పై ప్రజల్లో అవగాహన కల్పించేందుకు నాగ్​పుర్​ పోలీసులు విన్నూత కార్యక్రమానికి శ్రీకారం చుట్టారు. ఈ మహమ్మారితో పోరాడే క్రమంలో సామాజిక దూరం పాటించాలని అన్నారు. బాద్​షా షారుక్​ 'చెన్నై​ ఎక్స్​ప్రెస్​' పోస్టర్​తో పాటు ఓ డైలాగ్​ను ట్వీట్ చేశారు. 'డోన్ట్​ అండర్​ఎస్టిమేట్​ ద పవర్​ ఆఫ్​ సోషల్​ డిస్టెన్స్​' అంటూ రాసుకొచ్చారు.

ఈ ఫొటోలో షారుక్​​, దీపిక.. ఓ బెంచ్​పై దూరం దూరంగా కూర్చొని ఉంటారు. దానితో పాటు ఈ డైలాగ్​ను జోడించారు. దీనినే షారుక్ తన​ ఇన్​స్టా​లో పంచుకున్నాడు. లాక్​డౌన్​ అమల్లో ఉన్న ఈ సమయంలో ప్రజలంతా సురక్షితంగా ఉంటూ సామాజిక దూరాన్ని పాటించాలని కోరాడు.

ఇదీ చదవండి:'ఒకే లక్ష్యం.. ఒకే సంకల్పం.. అదే కరోనాపై విజయం'