జేఈఈ పరీక్షకు 75% విద్యార్థులు హాజరు

మూడు రోజుల నుంచి జరుగుతున్న జేఈఈ పరీక్షలకు దరఖాస్తు చేసుకున్న 4,58,251 మంది అభ్యర్థుల్లో 3,48,658 మంది హాజరైనట్లు అధికారులు తెలిపారు. కరోనా మహమ్మారిలో పరీక్షలకు హజరుకావటంపై ఆనందం వ్యక్తం చేశారు కేంద్ర విద్యాశాఖమంత్రి రమేశ్​ పోఖ్రియాల్​.

జేఈఈ మెయిన్స్​ పరీక్షల్లో మొత్తం 4,58,521 మంది అభ్యర్థులకు గానూ 3,43,958 మంది విద్యార్థులు హాజరయ్యారు. ఈ విషయాన్ని ట్విట్టర్ ద్వారా వెల్లడించారు కేంద్ర విద్యాశాఖ మంత్రి రమేశ్​ పోఖ్రియాల్.

"గత 3 రోజుల నుంచి జేఈఈ మెయిన్స్​ పరీక్షలకు విద్యార్థులు హాజరవుతున్నారు. కొవిడ్ -19 మహమ్మారిలోనూ ఆత్మ నిర్భర్ భారత్ అనే యజ్ఞంలో పాలుపంచుకోవటం కోసం చాలా మంది విద్యార్థులు పాల్గొనటం చాలా ఆనందం ఉంది.. విద్యార్థుల కెరీర్లపై ప్రభావం పడకుండా వారికి సహకరించిన ముఖ్యమంత్రులందరికీ నా ధన్యవాదాలు."

-రమేశ్​ పోఖ్రియాల్, కేంద్ర విద్యాశాఖ మంత్రి ట్వీట్​

నేషనల్​ టెస్టింగ్ ఏజెన్సీ జేఈఈ పరీక్షలను సెప్టెంబర్ 1 నుంచి 6 వరకు రోజూ రెండు స్లాట్లలో నిర్వహిస్తోంది. మొదటిది ఉదయం 9 నుంచి 12 గంటలకు, తర్వాత సాయంత్రం 3 నుంచి 6వరకు జరుపుతుంది.

మొదటి రోజైన సెప్టెంబర్​ 1 జరిగిన బీ ఆర్కిటెర్చర్​, బీ ప్లానింగ్​ పేపర్​ పరీక్ష 54.67 శాతం మంది విద్యార్థులు రాశారు. 2, 3న జరిగిన బీటెక్​, బీఈ పేపర్లకు రికార్డు స్థాయిలో 81.08 శాతం, 82.14 శాతం మంది విద్యార్థులు హాజరయ్యారు.