పుట్టినరోజు కానుకగా ప్రధాని మోదీ ఏం కోరారంటే?

ప్రధానమంత్రి నరేంద్రమోదీ తన జన్మదినం సందర్భంగా ప్రజల నుంచి ఏం కోరుకుంటున్నారో తెలిపారు. ఈ కరోనా కాలంలో అందరూ జాగ్రత్త వహించాలని ఆకాంక్షించారు. అలాగే, ఆయనకు శుభాకాంక్షలు తెలిపిన అందరికీ కృతజ్ఞతలు చెప్పారు.

ప్రధాని నరేంద్రమోదీ 70వ వసంతంలోకి అడుగిడిన వేళ దేశంతోపాటు ప్రపంచవ్యాప్తంగా శుభాకాంక్షలు తెలిపారు. అయితే, పుట్టిన రోజు నాడు ఆయన ఏం కోరుకుంటున్నారన్న ప్రశ్నకు మోదీ ఇలా బదులిచ్చారు.

మోదీ ట్వీట్

"నా పుట్టినరోజు కానుకగా ఏం కావాలని చాలా మంది అడిగారు. నేను కోరుకునేది ఇదే..

ఎల్లప్పుడూ మాస్కు వాడాలి. అదీ కూడా సరిగ్గా ధరించాలి.

భౌతిక దూరం పాటించాలి. కనీసం రెండు అడుగుల దూరమని గుర్తుపెట్టుకోంది.

రద్దీగా ఉన్న ప్రదేశాలకు దూరంగా ఉండాలి.

రోగ నిరోధక శక్తిని పెంచుకోండి.

మన ప్రపంచాన్ని ఆరోగ్యంగా మార్చాలి."

- నరేంద్రమోదీ, ప్రధానమంత్రి

కృతజ్ఞతలు...

పుట్టినరోజు శుభాకాంక్షలు తెలిపినవారికి మోదీ కృతజ్ఞతలు తెలిపారు మోదీ.

"భారత్​తోపాటు ప్రపంచవ్యాప్తంగా ప్రజలు శుభాకాంక్షలు తెలిపారు. వారందరికీ నా కృతజ్ఞతలు. దేశ పౌరుల జీవనాన్ని మెరుగుపరిచేందుకు, వారికి మరింత సేవ చేసేందుకు మీ ఆశీస్సులు నాకు బలాన్ని చేకూర్చాయి" అని పేర్కొన్నారు మోదీ.

ఇదీ చూడండి:మోదీకి దేశాధ్యక్షులు, ప్రధానుల శుభాకాంక్షలు