రాజకీయమే సరికొత్త ఫ్యాషన్

ప్రధాని నరేంద్ర మోదీ 'చౌకీదార్ మోదీ' అంటూ ట్విటర్​ ఖాతాలో పేరు మార్చుకున్నాక దేశంలో 'మై బీ చౌకీదార్ హూ'​ అనే కొత్త ట్రెండ్​ నడుస్తోంది. ప్రధాని ప్రచార నినాదాన్ని చేతులపై పచ్చబొట్టు వేయించుకొని ప్రచారం చేస్తున్నారు కమలదళం సభ్యులు.

"మై బీ చౌకీదార్​ హూ"... అంటే "నేనూ సంరక్షకుడినే". రఫేల్​ వ్యవహారంలో విపక్షాల విమర్శలను తిప్పికొడుతూ... ప్రధాని నరేంద్రమోదీ ప్రారంభించిన ప్రచార కార్యక్రమం ఇది. మోదీ మొదలు, కేంద్రమంత్రులు, భాజపా సీనియర్ నేతలు, కార్యకర్తలు... ఇప్పటికే ట్విట్టర్​లో పేరుకు ముందు చౌకీదార్​ పదం చేర్చుకున్నారు. మధ్యప్రదేశ్​ భోపాల్​ భాజపా కార్యకర్తలు మరో అడుగు ముందుకేశారు. "మై బీ చౌకీదార్​ హూ" అని చేతులపై పచ్చబొట్టు వేయించుకుంటున్నారు.

ఏడేళ్లుగా ట్యాటూలు వేస్తున్నాను. మోదీ పాలన బాగుంది. మరోసారి అధికారంలో వస్తే ఇంకా మంచి పనులు చేస్తారనే నమ్మకం ఉంది. నా వంతు ప్రచారం నిర్వహించాలని నిశ్చయించుకున్నాను. అందుకే 'మై బీ చౌకీదర్​ హూ' ట్యాటూను ఉచితంగా వేస్తున్నాను. వారం పాటు ఈ ఉచిత ట్యాటూల కార్యక్రమం నిర్వహిస్తాను.-హరి నథానీ, భోపాల్