కరోనా బాధితుల సంఖ్య పెరుగుతున్న నేపథ్యంలో... ఆరోగ్య మౌలిక వసతులను విస్తరించుకోవడం ఎంతో ముఖ్యమని మోదీ ఉద్ఘాటించారు. ప్రతి కరోనా రోగికి సరైన చికిత్స అందించినప్పుడే ఇది జరుగుతుందన్నారు. ఇందుకోసం పరీక్షలు, బాధితులను గుర్తించి ఐసోలేషన్ చేయడంపై దృష్టి సారించాలని స్పష్టం చేశారు.
'ఆరోగ్య వసతులను విస్తరించడం ఎంతో ముఖ్యం' - కరోనా వైరస్ ఇండియా
ముఖ్యమంత్రులతో మోదీ సమావేశం
16:01 June 17
ఇదే ముఖ్యం...
15:54 June 17
పీపీఈ కిట్లు...
మూడు నెలల ముందు.. ప్రపంచ దేశాలతో పాటు భారత్లోనూ పీపీఈ కిట్ల కొరత ఉందని తెలిపారు మోదీ. అయితే ఇప్పుడు రాష్ట్రాల్లో కోటికిపైగా పీపీఈ కిట్లు, ఎన్ 95 మాస్కులు అందుబాటులో ఉన్నాయని స్పష్టం చేశారు.
15:42 June 17
యాక్టివ్ కేసులు..
దేశంలో.. యాక్టివ్ కేసుల కన్నా వైరస్ నుంచి కోలుకున్న బాధితుల సంఖ్యే ఎక్కువగా ఉందని మోదీ తెలిపారు. ముఖ్యమంత్రులతో జరుగుతున్న భేటీలో ఈ వ్యాఖ్యలు చేశారు. వెంటిలేటర్లు, ఐసీయూలో చికిత్స అవసరమున్న బాధితులు కూడా తక్కువగా ఉన్నారని పేర్కొన్నారు మోదీ. సకాలంలో తీసుకున్న నిర్ణయాల వల్లే దేశంలో కరోనాను కట్టడి చేయగలిగామని పునరుద్ఘాటించారు.
15:35 June 17
అమర వీరులకు నివాళి
ముఖ్యమంత్రులతో మోదీ సమావేశం కొనసాగుతోంది. కరోనా వైరస్ కట్టడికి చేపట్టాల్సిన చర్యలపై నేతలు చర్చిస్తున్నారు.
భేటీ ప్రారంభానికి ముందు.. తూర్పు లద్దాఖ్లోని గాల్వన్ ఘటనలో అమరులైన భారత సైనికులకు ప్రధాని మోదీ, హోంమంత్రి అమిత్ షా సహా 15రాష్ట్రాల ముఖ్యమంత్రులు నివాళులర్పించారు. రెండు నిమిషాల పాటు మౌనం పాటించారు.
15:11 June 17
ముఖ్యమంత్రులతో మోదీ సమావేశం
కరోనా పరిస్థితులపై సమీక్షించేందుకు.. ముఖ్యమంత్రులతో ప్రధానమంత్రి నరేంద్ర మోదీ రెండో రోజు సమావేశమయ్యారు. మంగళవారం.. 21 రాష్ట్రాల సీఎంలతో వీడియో కాన్ఫరెన్స్ నిర్వహించిన ప్రధాని బుధవారం.. మహారాష్ట్ర, తమిళనాడు, దిల్లీ, గుజరాత్ సహా 15 రాష్ట్రాల ముఖ్యమంత్రుల, జమ్ముకశ్మీర్ లెఫ్టినెంట్ గవర్నర్తో భేటీ అయ్యారు. కరోనా మహమ్మారి సవాళ్లు విసురుతున్న నేపథ్యంలో.. వైరస్ను ఎదుర్కొనే విషయంపై నేతలు చర్చించనున్నారు.
Last Updated : Jun 17, 2020, 4:20 PM IST