పేరు మార్చుకున్న మోదీ, షా!

ప్రధాని నరేంద్ర మోదీ తన అధికారిక ట్విట్టర్​ ఖాతాలో పేరు మార్చుకున్నారు. 'చౌకీదార్' (కాపలాదారు) పదాన్ని పేరుకు ముందు చేర్చారు. ప్రతిపక్షాలు చేస్తున్న విమర్శలకు దీటైన బదులిస్తూ ఈ నిర్ణయం తీసుకున్నారు.

'చౌకీదార్ చోర్ హై' అంటూ ప్రతిపక్షాలు చేస్తోన్న విమర్శలనే సార్వత్రిక ఎన్నికల ప్రచారాస్త్రంగా మార్చుకున్నారు ప్రధాని నరేంద్ర మోదీ. తన అధికారిక ట్విట్టర్ ఖాతాలో పేరుకు ముందు 'చౌకీదార్​' పదాన్ని జత చేశారు మోదీ.

ప్రతి భారతీయుడు చౌకీదార్​ ప్రతిజ్ఞ చేయాలని ఎన్నికల ప్రచారం నిర్వహించేందుకు ఇటీవలే పిలుపునిచ్చారు మోదీ. ఆచరణను తన నుంచే మొదలు పెట్టారు.

మోదీ బాటలోనే అమిత్​ షా, పీయూష్ గోయల్​

ప్రధాని బాటలోనే భాజాపా అధ్యక్షుడు అమిత్​ షా, కేంద్ర మంత్రి పీయూష్​ గోయల్​ నడిచారు. అధికారిక ట్విట్టర్ ఖాతాలో పేర్లకు ముందు చౌకీదార్ పదాన్ని జోడించారు. వీరి బాటలోనే మరికొంతమంది భాజపా నేతలు చేరే అవకాశం ఉంది.