ప్రేమించిందని చెల్లినే కడతేర్చిన యువకుడు

తనకు ఇష్టంలేని వ్యక్తిని ప్రేమించినందుకు సొంత చెల్లినే కిరాతకంగా హత్య చేశాడు ఓ వ్యక్తి. ఈ దుర్ఘటన ఉత్తర్​ప్రదేశ్​​ ముజఫర్​నగర్​ జిల్లాలో చోటు చేసుకుంది.

ఉత్తరప్రదేశ్​లో ప్రేమకోసం మరో ప్రాణం బలయింది. ముజఫర్​నగర్ జిల్లా​ జరోడాలో సొంత చెల్లినే పొట్టనబెట్టుకున్నాడు ఓ యువకుడు. తనకు ఇష్టం లేని వ్యక్తిని ప్రేమిస్తుందన్న కారణంగా సోదరితో వాదనకు దిగాడు ఆశిష్ అనే వ్యక్తి. ఇద్దరి మధ్య మాటలు పెరిగిపోవటం వల్ల ఆగ్రహానికి గురైన ఆశిష్​ సోదరిని కత్తితో పొడిచాడు. తీవ్రంగా గాయపడిన యువతి అక్కడికక్కడే మృతి చెందింది.

తండ్రి ఫిర్యాదు మేరకు నిందితుడుపై కేసు నమోదు చేసి అరెస్టు చేశారు పోలీసులు.

ఇదీ చూడండి:'కశ్మీర్​'సంబంధిత పిటిషన్లపై సుప్రీం విచారణ వాయిదా