ఐఏఎస్​ అధికారిణిపై కఠిన చర్యలకు పవార్ డిమాండ్

మహాత్మా గాంధీపై వివాదస్పద ట్వీట్​ చేసిన ఐఏఎస్​ అధికారిణి నిధి చౌదరిపై కఠిన చర్యలు తీసుకోవాలని మహారాష్ట్ర ప్రభుత్వాన్ని డిమాండ్​ చేశారు ఎన్సీపీ అధినేత శరద్ పవార్​. ఈ మేరకు రాష్ట్ర ముఖ్యమంత్రి దేవేంద్ర ఫడణవీస్​కు లేఖ రాశారు.

ఐఏఎస్ అధికారిణి నిధి చౌదరి పై కఠిన చర్యలు తీసుకోవాలని డిమాండ్ చేస్తూ మహారాష్ట్ర ముఖ్యమంత్రి దేవేంద్ర ఫడణవీస్​కు లేఖ రాశారు ఎన్సీపీ అధినేత శరద్​ పవార్​. ఎలాంటి చర్యలు తీసుకోకపోతే ప్రభుత్వ విధానాలు పాతాళానికి పడిపోయినట్లే భావించాల్సి ఉంటుందని లేఖలో పేర్కొన్నారు పవార్​.

ముంబయి ఐఏఎస్ అధికారిణి నిధి చౌదరి మహాత్మా గాంధీపై ట్విట్టర్​ వేదికగా అనుచిత వ్యాఖ్యలు చేసి విమర్శల పాలయ్యారు. తీవ్ర నిరసనలు వెల్లువెత్తగా... చివరకు క్షమాణలు చెప్పారు.

నిధి చౌదరిని తక్షణమే పదవి నుంచి తొలగించాలని డిమాండ్ చేశారు మహారాష్ట్ర కాంగ్రెస్​ అధ్యక్షుడు, ఆ రాష్ట్ర మాజీ ముఖ్యమంత్రి అశోక్​ చవాన్​. ఈ వివాదంపై ప్రభుత్వం తన వైఖరిని తెలియజేయాలన్నారు.

గాంధీ, గాడ్సే భావజాలాల్లో ప్రభుత్వం ఏ వైపు ఉంటుందో స్పష్టం చేయాలన్నారు చవాన్​.

ఇదీ చూడండి: అన్ని రాష్ట్రాల్లో హిందీ పై నిర్ణయం తీసుకోలేదు