హోమియోపతి, సెజ్​ బిల్లులకు ఆమోదం

కేంద్రీయ హోమియోపతి సవరణ బిల్లుకు లోక్​సభ ఆమోదం తెలిపింది. ఈ బిల్లును ఆయూష్ మంత్రి శ్రీపాద నాయక్ సభలో ప్రవేశపెట్టారు. సెజ్ చట్ట సవరణ బిల్లుకు రాజ్యసభలో ఆమోదం లభించింది.

పునర్‌వ్యవస్ధీకరించిన కేంద్రీయ హోమియోపతి మండలి(సీసీహెచ్​) పదవీకాలాన్ని ప్రస్తుతం ఉన్న ఒక సంవత్సరం నుంచి రెండు సంవత్సరాలకు పొడిగించేందుకు వీలు కల్పించే బిల్లును లోక్‌సభ ఆమోదించింది. ఈ మేరకు ఆయుష్‌ మంత్రి శ్రీపాద నాయక్‌ హోమియోపతి మండలి సవరణ బిల్లును లోక్‌సభలో ప్రవేశపెట్టారు. హోమియోపతి, ఆయుర్వేదిక్‌ బోధనా విద్యాసంస్ధలకు పర్యవేక్షణ యంత్రాంగం అవసరం ఉందని పేర్కొన్న కాంగ్రెస్‌, ఇతర విపక్షాలు ఈ బిల్లును వ్యతిరేకించాయి. ఆర్​ఎస్​పీ సభ్యుడు ప్రేమచంద్రన్‌ ఈ బిల్లుపై సవరణలను ప్రతిపాదించగా లోక్‌సభ మూజువాణి ఓటుతో తిరస్కరించింది. హోమియోపతి మండలిని మరింత బలోపేతం చేసేందుకు ఈ బిల్లును ప్రవేశపెట్టినట్లు మంత్రి శ్రీపాద నాయక్‌ తెలిపారు.

రాజ్యసభలో సెజ్ సవరణ​ బిల్లుకు ఆమోదం

ప్రత్యేక ఆర్థిక మండళ్ల (సెజ్‌)కు సంబంధించిన చట్ట సవరణ బిల్లుకు రాజ్యసభ ఆమోదం తెలిపింది. గత ప్రభుత్వం మార్చిలో జారీ చేసిన ఆర్డినెన్స్‌ స్థానంలో ఈ బిల్లును తీసుకొచ్చారు. ఇక నుంచి ట్రస్టులు కూడా సెజ్‌ల్లో యూనిట్లను ఏర్పాటు చేసుకునే వెసులుబాటు కల్పించారు.

ఉద్యోగ కల్పన, పెట్టుబడులను ఈ బిల్లు ప్రభావితం చేస్తుందని కేంద్రమంత్రి పీయూష్​ గోయల్​ తెలిపారు. ట్రస్టుల నుంచి ఇప్పటివరకు

రూ.8వేల కోట్లు విలువ చేసే ఎనిమిది ప్రతిపాదనలు అందినట్లు వెల్లడించారు. ఇక నుంచి ఏటా రూ.20వేల కోట్ల పెట్టుబడులు ఆశించవచ్చన్నారు గోయల్​.

ఇదీ చూడండి: 'మధ్యాహ్న భోజన పథకంలో అల్పాహారం చేర్చబోం'