బిహార్ రాజధాని పట్నాలో ఉన్న ఆర్జేడీ(రాష్ట్రీయ జనతా దళ్) ప్రధాన కార్యాలయం వద్ద తాజాగా ఏర్పాటు చేసిన ఎన్నికల పోస్టర్.. పార్టీ శ్రేణుల్లో కలకలం సృష్టిస్తోంది. ఈ పోస్టర్లో తేజస్వీ యాదవ్ ఒక్కరే ఉండటం.. పార్టీ అధినేత లాలూ ప్రసాద్ యాదవ్ లేకపోవడం తీవ్ర అనుమానాలకు తావిస్తోంది.
లాలూ ప్రసాద్ యాదవ్ వారసుడిగా తేజస్వీ యాదవ్ మంచి గుర్తింపు తెచ్చుకున్నారు. త్వరలో జరగనున్న బిహార్ ఎన్నికల్లో మహాకూటమి తరఫున సీఎం అభ్యర్థి కూడా ఆయనే. అయినప్పటీకీ.. పోస్టర్లలో ఆర్జేడీ సుప్రిమోను విస్మరించడం సర్వత్రా చర్చనీయాంశమైంది.
పసుపు రంగులో ఉన్న భారీ పోస్టర్లో తేజస్వీ యాదవ్ చిత్రం ఒక్కటే ఉంది. 'నయీ సోచ్, నయా బిహార్'(కొత్త ఆలోచనలు, సరికొత్త బిహార్), "యువా సర్కార్, అబ్కీ బార్(ఈసారి వచ్చేది యువ సర్కారే)" అన్న క్యాప్షన్లు కూడా పోస్టర్లో కనపడుతోంది.
అయితే ఎన్నికల పోస్టర్ నుంచి పార్టీ సుప్రిమో లాలూను తప్పించడంపై పలువురు సీనియర్లు అసంతృప్తితో ఉన్నట్టు తెలుస్తోంది. లాలూ ప్రస్తుతం జైలులో ఉన్నప్పటికీ.. ఆయనకు ప్రజల్లో ఆదరణ తగ్గలేదని అభిప్రాయం వ్యక్తం చేస్తున్నారు. 1997లో జనతాదళ్తో విడిపోయి ఆర్జేడీని స్థాపించినప్పటి నుంచి.. లాలూ వ్యక్తిత్వం ప్రజలను ఆకర్షిస్తూనే ఉందని వ్యాఖ్యానిస్తున్నారు.
ఇదీ చూడండి-
