వినాయక చవితి రోజున చిన్న చిన్న పల్లెల నుంచి పట్టణాలు గణనాథుడి పూజలతో మారుమోగుతాయి. మైకు, సౌండ్ బాక్సుల పాటలు, దూపదీప నైవేద్యాలతో సర్వం వినాయకుడి మయంగా మారుతుంది. కానీ.., ఈ ఏడాది కరోనా మహమ్మారితో ఉత్సవాలను నిరాడంబరంగా చేసుకోవాల్సిన పరిస్థితులు తలెత్తాయి. శనివారం గణేశ్ చతుర్థి అయినప్పటికీ ఎక్కడా పెద్దగా ఆ హడావుడి కనిపించలేదు. చాలా వరకు ఈ ఏడాది ఉత్సవాలకు దూరంగా ఉన్నారు. ఇళ్లల్లోనే చిన్ని గణనాథుడిని ఏర్పాటు చేసుకుని పూజలు చేస్తున్నారు.
వినాయక చవితి సందర్భంగా దేశంలోని ప్రముఖ ఆలయాలు, ప్రధాన మండళ్ల వద్ద వేడుకలు ఎలా ఉన్నాయో ఓ లుక్కేద్దాం.
మహారాష్ట్రలో కనిపించన శోభ..
మహారాష్ట్రలో ఏటా అంగరంగ వైభవంగా గణేశ్ చతుర్థి వేడుకలు జరుగుతాయి. కానీ.. కరోనా వేళ ప్రస్తుతం ఆ వైభవం కనిపించటం లేదు.
గణేశ్ చతుర్థి సందర్భంగా పుణెలోని శ్రీమంత్ దగ్దుషెత్ హల్వాయి గణపతి ఆలయంలో ప్రత్యేక పూజలు నిర్వహించారు. ఉదయం హారతి నిర్వహించి, ప్రార్థనలు చేశారు పూజారులు. అయితే.. పెద్ద సంఖ్యలో భక్తులు వచ్చేందుకు అనుమతి లేదని తెలిపారు.
నాగ్పుర్లోని శ్రీ గణేశ్ మందిర్ తెక్దిలో శనివారం తెల్లవారుజామున ప్రత్యేక పూజలు నిర్వహించారు. ప్రత్యేక హారతి ఇచ్చి.. స్వామి వారిని ప్రార్థించారు.
ముంబయిలోని శ్రీ సిద్ధి వినాయక ఆలయంలో వినాయక చవితి సందర్భంగా ప్రత్యేక పూజలు నిర్వహించారు. తెల్లవారుజామున ప్రత్యేక హారతి ఇచ్చారు.
ప్రముఖ లాల్బాగ్చా రాజా గణపతి మండల్లో ఈ ఏడాది గణేశ్ చతుర్థి సందర్భంగా కరోనా పోరులో భాగస్వామ్యమవుతూ.. ఆరోగ్య ఉత్సవ్ నిర్వహించాలని నిర్ణయించారు. అందులో భాగంగా రక్తం, ప్లాస్మా దాన శిబిరం ఏర్పాటు చేశారు. కొవిడ్-19 విజృంభిస్తున్న నేపథ్యంలో గణేశ్ ఉత్సవాలకు బదులుగా.. ఈ శిబిరం ఏర్పాటు చేసినట్లు మండల్ అధ్యక్షుడు తెలిపారు.
ముంబయిలోని తన నివాసంలో ఏర్పాటు చేసిన వినాయకుడి వద్ద ప్రత్యేక పూజలు చేశారు ముఖ్యమంత్రి ఉద్ధవ్ ఠాక్రే. ఆయన కుటుంబ సభ్యులు, సన్నిహితులు హాజరయ్యారు.
దిల్లీలో...