కన్నయ్య కుమార్​కు చేదు అనుభవం

బిహార్  బెగూసరాయి లోక్​సభ సీపీఐ అభ్యర్థి, జేఎన్​యూ మాజీ విద్యార్థి నేత కన్నయ్యకుమార్​కు వ్యతిరేకంగా నినాదాలు చేశారు కోరే గ్రామస్థులు. నల్లజెండాలు ఊపుతూ నిరసన తెలిపారు.

బిహార్​లోని బెగూసరాయి లోక్​సభ నియోజకవర్గ అభ్యర్థి కన్నయ్యకుమార్​కు చేదు అనుభవం ఎదురైంది. గర్​​పురా ప్రాంతంలోని కోరే గ్రామంలో కన్నయ్య రోడ్​షో నిర్వహిస్తున్న సమయంలో... ఆయనకు వ్యతిరేకంగా నినాదాలు చేస్తూ స్థానికులు నల్లజెండాలు ప్రదర్శించారు. గతంలో కన్నయ్యకుమార్ జవాన్లకు వ్యతిరేకంగా వ్యాఖ్యలు చేశారన్న కారణంతో ఆందోళనకు దిగారు.

ఈ నేపథ్యంలో ఇరువర్గాల మధ్య తోపులాట జరిగింది. ఘటనా స్థలానికి చేరుకున్న పోలీసులు ఘర్షణను అదుపు చేశారు. కేంద్రమంత్రి గిరిరాజ్​ సింగ్​పై పోటీ చేస్తున్నారుకన్నయ్యకుమార్.

ఇదీ చూడండి: ఏదేమైనా జెట్​ను మూతపడనివ్వం: జెట్​ ఉద్యోగులు