'కల్యాణ్​​, రాజీవ్​ రాజీనామా చేయాల్సిందే'

రాజస్థాన్ గవర్నర్ కల్యాణ్​సింగ్​, నీతిఆయోగ్ వైస్​ ఛైర్మన్​ రాజీవ్​కుమార్​ తక్షణమే రాజీనామా చేయాలని​ కాంగ్రెస్​ నేత, మాజీ కేంద్రమంత్రి చిదంబరం డిమాండ్​ చేశారు. భాజపా అనుకూల వ్యాఖ్యలు చేస్తూ ఎన్నికల ప్రవర్తనా నియమావళిని ఉల్లంఘించిన వీరు పదవిలో ఉండడానికి అర్హత కోల్పోయారని విమర్శించారు.

ఎన్నికల ప్రవర్తనా నియమావళిని ఉల్లంఘించిన రాజస్థాన్​ గవర్నర్ కల్యాణ్​ సింగ్​, నీతిఆయోగ్​ వైస్​ ఛైర్మన్​ రాజీవ్​కుమార్​ వెంటనే రాజీనామా చేయాలని కాంగ్రెస్​ నేత పి.చిదంబరం డిమాండ్​ చేశారు. నిబంధనలు ఉల్లంఘించిన వీరు ఇకపై ఆయా పదవుల్లో కొనసాగడానికి అర్హత కోల్పోయారని ట్విట్టర్ వేదికగా విమర్శించారు.

కాంగ్రెస్ ప్రతిపాదించిన కనీస ఆదాయ పథకం 'న్యాయ్'​ని నీతి ఆయోగ్​ వైస్​ ఛైర్మన్​ రాజీవ్​కుమార్​ విమర్శించారు. బాధ్యతాయుతమైన స్థానంలో ఉన్న ఆయన ఎన్నికల ప్రవర్తనా నియమావళిని ఉల్లంఘించడంపై ఎన్నికల సంఘం అసంతృప్తి వ్యక్తం చేసింది.

ఇంతకు ముందు రాజస్థాన్​ గవర్నర్​ కల్యాణ్ ​సింగ్​, మోదీ మళ్లీ ప్రధాని కావాలని ఆ పార్టీ కార్యకర్తలతో అన్నారు. ఇది కూడా ఎన్నికల ప్రవర్తనా నియమావళి ఉల్లంఘించడమేనని ఎలక్షన్​ కమిషన్​ సోమవారం స్పష్టం చేసింది.

బాధ్యతాయుతమైన పదవుల్లో ఉన్న కల్యాణ్​సింగ్​, రాజీవ్​కుమార్​ ఎన్నికల నిబంధనలు ఉల్లంఘించడాన్ని ఈసీ తప్పుబట్టింది. అందుకే వారు రాజీనామా చేయాల్సిందేనని డిమాండ్ చేస్తున్నారు చిదంబరం.

ఇదీ చూడండి: అనుమానంతో గర్ల్​ఫ్రెండ్​పై కత్తి దాడి