17 ఏళ్ల బాలికను సజీవదహనం చేసిన ప్రేమోన్మాది

కేరళలోని కోచిలో దారుణం చోటుచేసుకుంది. 17 ఏళ్ల బాలికను యువకుడు సజీవ దహనం చేశాడు. కోచిలోని కాక్కనాడ్‌లో ఉంటున్న బాలిక ఇంటికి తెల్లవారుజామున వెళ్లిన యువకుడు ఆమెపై పెట్రోల్ పోసి నిప్పంటించాడు. అనంతరం.. ఆ యువకుడు ఆత్మహత్య చేసుకున్నాడు. ఈ ఘటనపై పోలీసులు విచారణ చేపడుతున్నారు.

కేరళలో దారుణానికి ఒడిగట్టాడో యువకుడు. తనను ప్రేమించట్లేదని.. కోచిలోని 17 ఏళ్ల బాలిక దేవికను సజీవదహనం చేశాడు. కోచిలోని కాక్కనాడ్​లో ఉంటున్న బాలిక ఇంటికి తెల్లవారుజామున వెళ్లిన యువకుడు ఆ బాలిక ఒంటిపై పెట్రోల్​ పోసి తగులబెట్టాడు. ఆమె తండ్రి తేరుకుని మంటలు ఆర్పేందుకు తీవ్రంగా ప్రయత్నించినా ఫలితం లేకపోయింది. తీవ్రగాయాలతో తుదిశ్వాస విడిచింది ఆమె.

బాలిక తండ్రికి కూడా తీవ్ర గాయాలయ్యాయి. ప్రభుత్వ ఆసుపత్రికి తరలించారు. పర్వూర్‌కు చెందిన మిథున్‌ అనే యువకుడే ఈ దురాగతానికి పాల్పడినట్లు తేల్చారు పోలీసులు. అనంతరం.. ఆ యువకుడు కూడా ఆత్మహత్య చేసుకున్నాడు. ఈ ఘటన వెనుక కారణాలను తెలుసుకునే పనిలో నిమగ్నమయ్యారు పోలీసులు.