ఐపీఎల్ కింగ్స్ ఎలెవన్ పంజాబ్ సహ యజమాని, వాడియా గ్రూపు సంస్థల డైరెక్టర్ 'నెస్ వాడియా'కు జపాన్ కోర్టు 2 సంవత్సరాల జైలు శిక్ష విధించింది. మాదక ద్రవ్యాలు కలిగి ఉన్న కేసులో సప్పోరో జిల్లా న్యాయస్థానం ఈమేరకు తీర్పు ఇచ్చింది. అయితే... శిక్ష అమలును ఐదేళ్లు నిలుపుదల చేసింది.
సెలవులపై మార్చిలో ఉత్తర జపాన్లోని ఓ ద్వీపంలోని విమానాశ్రయంలో 25 గ్రాముల గంజాయితో దొరికినట్లు ఓ పత్రిక కథనం ప్రచురించింది.
ఎలాంటి ప్రభావం ఉండదు...
ఈ జైలు శిక్షపై వాడియా గ్రూపు స్పందించింది. సస్పెండెడ్ శిక్ష అయినందున దాని ప్రభావం నెస్వాడియాపై ఉండదని సంస్థ అధికార ప్రతినిధి తెలిపారు. ఎప్పటిలానే నెస్వాడియా తన బాధ్యతలను యథావిధిగా నిర్వహిస్తారన్నారు.
నెస్వాడియా ప్రస్తుతం వాడియా గ్రూపులోని బాంబే డయింగ్, బాంబే బుమ్రా ట్రేడింగ్ కార్పొరేషన్కు డైరెక్టర్గా ఉన్నారు.
అలా కలిసొచ్చింది....!
కోర్టు విధించిన రెండేళ్ల జైలు శిక్షను ఐదు సంవత్సరాల సస్పెండ్ చేసినట్లు తెలుస్తోంది. సస్పెండెడ్ శిక్షగా పిలిచే ఇందులో జైలు శిక్ష నుంచి తప్పించుకునే అవకాశం ఉంది. ఇందుకోసం ఐదేళ్లలో మళ్లీ ఎలాంటి నేరం చేయకుండా ఉంటే సరిపోతుంది.
