రణరంగంలా శ్రీనగర్​ జైలు- కశ్మీర్​ ఉద్రిక్తం

జమ్ముకశ్మీర్ శ్రీనగర్​లో సెంట్రల్​​ జైల్ సిబ్బందితో ఘర్షణకు దిగారు ఖైదీలు. వేరే గదులకు మార్చడాన్ని వ్యతిరేకిస్తూ గొడవపడ్డారు. గ్యాస్​ సిలిండర్లకు నిప్పంటించారు. జైల్లోని రెండు బ్యారక్​లు, మెస్​ దగ్ధమయ్యాయి.

జమ్ముకశ్మీర్ శ్రీనగర్​లో కేంద్ర కారాగార సిబ్బందికి, ఖైదీలకు మధ్య ఘర్షణ చెలరేగింది. ఈ గొడవల్లో జైలు ఆస్తులు ధ్వంసమయ్యాయి.

జైలును నవీకరించేందుకు కొంతమంది ఖైదీలను వేరే గదుల్లో ఉంచాలని నిర్ణయించారు అధికారులు. కొత్త గదులకు మార్చేందుకు ప్రయత్నించగా అధికారులపై తిరుగుబాటు చేశారు. వేరే జైళ్లకు తరలించేందుకు ప్రయత్నిస్తున్నారనుకుని ఘర్షణకు దిగారు. గ్యాస్ సిలిండర్లకు నిప్పంటించారు. సామగ్రి ధ్వంసం చేశారు. రెండు బ్యారక్​లు, భోజనశాల పూర్తిగా ధ్వంసమయ్యాయి.

ప్రస్తుతం పరిస్థితి అదుపులోకి వచ్చినట్లు వెల్లడించారు అధికారులు. ముందు జాగ్రత్త చర్యగా కశ్మీర్​లో అంతర్జాల సేవలు నిలిపివేశారు.