'అలా చేయకపోతే ప్రభుత్వం నేరం చేసినట్లే'​

లాక్​డౌన్ కారణంగా మూతబడిపోతున్న ఎంఎస్​ఎంఈలకు కేంద్రం తక్షణ నగదు సాయం చేయకపోడం నేరమని కాంగ్రెస్​ నేత రాహుల్​ గాంధీ ఆరోపించారు. వారికోసం ఆర్థిక ప్యాకేజీ కూడా ప్రకటించాలని పేర్కొన్నారు.

కొవిడ్​-19 లాక్​డౌన్​ కారణంగా మూతబడిపోతున్న సూక్ష్మ, చిన్న, మధ్య తరహా పరిశ్రమల (ఎంఎస్‌ఎంఈలు)కు తక్షణ నగదు సాయం చేయాలని కేంద్రాన్ని డిమాండ్​ చేశారు కాంగ్రెస్​ నేత రాహుల్​ గాంధీ. అలా చేయకపోతే ప్రభుత్వం నేరం చేసినట్లవుతుందని ఆరోపించారు.

"ఎంఎస్​ఎంఈల్లో 11 కోట్లకుపైగా భారతీయులు ఉపాధి పొందుతున్నారు. ఇందులో మూడింట ఒక వంతు పరిశ్రమలు శాశ్వతంగా మూతపడనున్నాయి. అటువంటి వారికి ప్రభుత్వం సాయం చేయకపోవడం నేరం."

-- రాహుల్ గాంధీ, కాంగ్రెస్​ నేత

ఎంఎస్‌ఎంఈల కోసం ప్రభుత్వం ఆర్థిక ప్యాకేజీ కూడా ప్రకటించాలని డిమాండ్​ చేశారు రాహుల్​.