మధ్యప్రదేశ్లో కొందరు వ్యాపారవేత్తలు ఖరీదైన, విలాసవంతమైన కార్లను వదిలి... ఎడ్లబండెక్కారు. ఇందోర్ పల్డాకు చెందిన ఆ వ్యాపారవేత్తలు.. అధ్వాన్నంగా మారిన రోడ్లను పునర్నిర్మించాలని డిమాండ్ చేస్తూ ఇలా నిరసన వ్యక్తం చేశారు.
ఏసీ కారులో వచ్చి.. ఎడ్లబండి ఎక్కారు!
ఎటు చూసినా గుంతలు, నీరు చేరుకుని దారుణంగా తయారైన రోడ్ల గురించి... తొమ్మిదేళ్లుగా అధికారులకు ఫిర్యాదు చేస్తున్నా పట్టించుకోవట్లేదని వాపోయారు వ్యాపారులు. మట్టి రోడ్డును తలపిస్తున్న ఈ మార్గంలో కార్లు నడవవనీ, ఎడ్లబండ్లు మాత్రమే నడుస్తాయని ఆగ్రహం వ్యక్తం చేశారు.