దేశంలో తగ్గిన మరణాలు.. పెరిగిన రికవరీలు

భారత్​లో కరోనా నుంచి కోలుకుంటున్నవారి సంఖ్య గణనీయంగా పెరుగుతోంది. 24 గంటల వ్యవధిలో సుమారు 34 వేల మంది డిశ్చార్జ్​ కాగా.. మొత్తంగా రికవరీ రేటు 63.45 కు చేరిందని కేంద్ర ఆరోగ్య శాఖ స్పష్టం చేసింది. మరణాల రేటు కూడా 2.38 శాతానికి తగ్గిందని పేర్కొంది.

దేశంలో వరుసగా మూడోరోజూ రికార్డు స్థాయిలో కరోనా రికవరీల సంఖ్య పెరిగింది. దేశ వ్యాప్తంగా ఒక్కరోజు వ్యవధిలోనే 34,602 మంది బాధితులు.. వైరస్​ నుంచి కోలుకున్నారు. ఫలితంగా రికవరీ రేటు 63.45 శాతానికి పెరిగిందని కేంద్ర ఆరోగ్య మంత్రిత్వ శాఖ వెల్లడించింది. అంతేకాకుండా మరణాల రేటు కూడా 2.38 శాతనికి తగ్గిందని తెలిపింది.

కొవిడ్​-19 రికవరీ రేటు

శుక్రవారం నాటికి సుమారు 8 లక్షల 20 మంది మహమ్మారి నుంచి బయటపడగా.. మరో 4 లక్షల 40 వేల మంది వివిధ ఆసుపత్రులలో చికిత్స పొందుతున్నారు. నిత్యం పెరుగుతోన్న రికవరీ రేటు ఆధారంగా.. యాక్టివ్​ కేసుల కంటే కోలుకున్నవారే సుమారు 3 లక్షల 80 వేల మంది అధికంగా ఉన్నట్లు ఆరోగ్య శాఖ పేర్కొంది.

రికవరీ కేసులు & యాక్టివ్​ కేసుల వివరాలు

1290 ప్రయోగశాలల్లో..

కరోనా ప్రయోగశాలలు

కరోనా పరీక్షలను పెంచి పాజిటివిటీ రేటు తగ్గిస్తామని ప్రకటించిన కేంద్రం.. అందుకు అనుగుణంగానే టెస్టుల సంఖ్యను పెంచుతోంది. దేశవ్యాప్తంగా 1290(897 ప్రభుత్వ, 393 ప్రైవేట్​) ప్రయోగశాలల్లో కరోనా నిర్ధారణ పరీక్షలు చేస్తున్నారు. గురువారం ఒక్క రోజే 3,52,801 శాంపిల్స్‌ టెస్ట్​ చేయగా.. మొత్తంగా 1,54,28,170 నమూనాలను పరీక్షించారు.

శుక్రవారం నాటికి ఆయా రాష్ట్రాల్లో నమోదైన కరోనా కేసులు

ఇదీ చదవండి:తమిళనాడు, కర్ణాటకలో కోరలు చాస్తోన్న కరోనా