దేశంలో కొత్తగా 50,129 కేసులు.. 578 మరణాలు

దేశంలో తాజాగా 50వేలకుపైగా కేసులు వెలుగుచూశాయి. మరో 578మంది మరణించారు. దీంతో కేసుల సంఖ్య 78,64,811కు చేరగా.. మృతుల సంఖ్య 1,18,534కు పెరిగింది.

దేశంలో కొత్తగా 50,129 కేసులు నమోదయ్యాయి. మరో 578మంది ప్రాణాలు కోల్పోయారు. ఒక్కరోజే 62,077 మంది కోలుకోవడం వల్ల మొత్తం రికవరీల సంఖ్య 70,78,123కి చేరింది.

దేశంలో కేసుల వివరాలు

భారత్​లో రికవరీ రేటు 90 శాతానికి చేరినట్లు కేంద్ర ఆరోగ్య మంత్రిత్వ శాఖ వెల్లడించింది. మరణాల రేటు 1.51 శాతంగా ఉంది.

పరీక్షలు ఇలా...

ఒక్కరోజులో 11,40,905 కొవిడ్​ టెస్టులు నిర్వహించినట్టు ఐసీఎంఆర్​ వెల్లడించింది. దీంతో మొత్తం కరోనా పరీక్షల సంఖ్య 10,20,23,469కు చేరింది.

ఇదీ చూడండి:-దేశవ్యాప్తంగా నిరాడంబరంగా నవరాత్రి వేడుకలు