రానున్న నెలల్లో తూర్పు లద్దాఖ్లోని వాస్తవాధీన రేఖ వెంబడి చైనా దూకుడు ప్రదర్శించే అవకాశముందన్న వార్తలపై భారత వాయుసేన సారథి ఆర్కేఎస్ భదౌరియా స్పందించారు. దూకుడుగా ఉండటం తమకు కూడా వచ్చన్నారు. లద్దాఖ్లోని వాస్తవాధీన రేఖ వెంబడి చైనా దుశ్చర్యలకు పాల్పడాలని చూస్తే తగిన బుద్ధి చెబుతామని హెచ్చరించారు. ఇందుకోసం సంసిద్ధంగా ఉన్నట్లు తెలిపారు.
రాజస్థాన్లోని జోధ్పూర్లో డెసర్ట్ నైట్-21 పేరుతో భారత- ఫ్రెంచ్ వైమానిక దళాలు సంయుక్తంగా చేస్తోన్న విన్యాసాల సందర్భంగా ఈ వ్యాఖ్యలు చేశారు భదౌరియా.
అయితే రాజస్థాన్లో చేస్తోన్న వైమానిక విన్యాసాలను తూర్పులద్దాఖ్లో కూడా చేస్తారా?అని ప్రశ్నించగా , అలాంటి దేమీ లేదన్నారు. భారత్, ఫ్రాన్స్ మధ్య ద్వైపాక్షిక సంబంధాలు మరింత బలపడడానికే ఇలాంటి విన్యాసాలను చేపడుతున్నామని స్పష్టం చేశారు. ద్వైపాక్షిక సంబంధాల దృష్ట్యా చేసే ఈ విన్యాసాలు మరో దేశానికి వ్యతిరేకంగా చేస్తున్నవి కావని అన్నారు.
ఫ్రాన్స్నుంచి 8 రఫేల్ యుద్ధవిమానాలు అందాయని మరో మూడు ఈ నెలాఖరు వరకల్లా వస్తాయని తెలిపారు. కాగా పైలట్ల శిక్షణ పూర్తయినట్లు పేర్కొన్నారు.
ఇదీ చూడండి:'ఎల్ఏసీ నుంచి ఎల్ఓసీ వరకు.. నేతాజీ మార్గంలోనే'
