పంద్రాగస్టు వేడుకల్లో లద్దాఖ్ ఎంపీ జోర్దార్ డ్యాన్స్​

లద్దాఖ్​లోని లేహ్​లో ఆటపాటల నడుమ స్వాతంత్ర్య వేడుకలను నిర్వహించారు. స్థానిక భాజపా కార్యాలయంలో జమ్ము కశ్మీర్​ పార్టీ ఇన్​ఛార్జి రామ్​మాధవ్​ జెండా ఆవిష్కరించారు.

లద్దాఖ్​లో స్వాతంత్ర్య దినోత్సవాన్ని భాజపా ఘనంగా నిర్వహించింది. లేహ్​ పట్టణంలోని పార్టీ కార్యాలయంలో భాజపా జమ్ముకశ్మీర్​ వ్యవహారాల ఇన్​ఛార్జి రామ్​మాధవ్​ జెండా ఆవిష్కరించారు. కశ్మీర్​ స్వయంప్రతిపత్తి రద్దు తర్వాత జరిగిన మొదటి స్వాతంత్ర్య వేడుకల్లో పాల్గొన్నందుకు సంతోషంగా ఉందని పేర్కొన్నారు.

"దేశంలో ఈ ఏడాది స్వాతంత్ర్య వేడుకలు ఎంతో ప్రత్యేకమైనవి. లద్దాఖ్​ కేంద్రపాలిత ప్రాంతంగా మారినందున మరింత ప్రత్యేకం. లద్దాఖ్​లో మొదటిసారి జెండా ఎగరేసినందుకు ఎంతో గర్వపడుతున్నా."

-రామ్​మాధవ్​, జమ్ము కశ్మీర్​ భాజపా ఇన్​ఛార్జి

రామ్​మాధవ్​తో పాటు స్థానిక ఎంపీ జమ్యాంగ్​ షేరింగ్​ నంగ్యాల్​ వేడుకల్లో ఉత్సాహంగా పాల్గొన్నారు. స్థానికులతో కలిసి లద్దాఖ్​ సంప్రదాయ నృత్యంతో అలరించారు. బృందంతో డోలు వాయిస్తూ తన ప్రత్యేకతను మరోసారి చాటుకున్నారు.

ఇదీ చూడండి: 70 ఏళ్ల కల సాకారం: లద్దాఖ్​ ఎంపీ నంగ్యాల్