మాయం వెనుక 'చిదంబర' రహస్యం

అపహరణకు గురైన రఫేల్​ పత్రాలను దొంగే తిరిగి తెచ్చాడేమోనని ఎద్దేవా చేశారు కాంగ్రెస్​ సీనియర్​ నేత చిదంబరం. రఫేల్ దస్త్రాలు ప్రభుత్వం వద్ద భద్రంగానే ఉన్నాయని అటార్నీ జనరల్​ చేసిన ప్రకటనపై ట్విట్టర్​లో స్పందించారు.

రఫేల్​ పత్రాలపై ప్రభుత్వం రోజుకో మాట మారుస్తుందని విమర్శించారు కేంద్ర మాజీ మంత్రి చిదంబరం. 'బుధవారం రఫేల్ దస్త్రాలను ఎవరో అపహరించారని కోర్టులో చెప్పిన అటార్నీ జనరల్​ వేణుగోపాల్​... శుక్రవారం పత్రాలు భద్రంగా ఉన్నాయనటం'పై ట్విట్టర్​ వేదికగా స్పందించారు కాంగ్రెస్ సీనియర్​ నేత.
ఈ అంశంపై పలు అనుమానాలు వ్యక్తం చేస్తూ వరుస ట్వీట్లు చేశారు చిదంబరం.

" బుధవారం రోజు పత్రాలు చోరీ అయ్యాయని చెప్పారు. శుక్రవారం అవి నకిలీ ప్రతులని అన్నారు. ఈ మధ్యలో గురువారం నాడు దొంగే ఆ పత్రాలను తిరిగి తెచ్చాడని నాకు అనిపిస్తోంది."
-పి.చిదంబరం, కాంగ్రెస్​ సీనియర్ నేత.