సీజేఐకు క్లీన్​చిట్​పై నిరాశ చెందా : సుప్రీం మాజీ ఉద్యోగిని

ఆరోపణల విషయంలో సుప్రీం ప్రధాన న్యాయమూర్తికి అంతర్గత విచారణ కమిటీ క్లీన్​చిట్​ ఇవ్వడంపై నిరాశ చెందానని ప్రకటన విడుదల చేశారు సుప్రీంకోర్టు మాజీ ఉద్యోగిని. ఏప్రిల్​ 19న ఆమె సీజేఐపై ఆరోపణలు చేశారు. వాటిపై నిజాలను తేల్చేందుకే అత్యున్నత న్యాయస్థానం అంతర్గత విచారణ కమిటీని నియమించింది. మాజీ ఉద్యోగిని నిరాధారమైన ఆరోపణలు చేశారని విచారణ అనంతరం సోమవారం ప్రకటించింది కమిటీ.

తాను చేసిన ఆరోపణల విషయంలో సుప్రీంకోర్టు ప్రధాన న్యాయమూర్తి రంజన్​ గొగొయికి జస్టిస్​ బాబ్​డే నేతృత్వంలోని అంతర్గత విచారణ కమిటీ క్లీన్​చిట్​ ఇవ్వడంపై అసంతృప్తి వ్యక్తం చేశారు సుప్రీం మాజీ ఉద్యోగిని. తనకు తీవ్రమైన అన్యాయం జరిగిందంటూ ఆమె ఓ ప్రకటన విడుదల చేశారు. తమ న్యాయవాదితో సంప్రదించి, తదుపరి కార్యాచరణను నిర్ణయిస్తానని వెల్లడించారు.

సుప్రీం మాజీ ఉద్యోగిని ఏప్రిల్​ 19న సీజేఐపై లైంగిక వేధింపుల ఆరోపణలు చేశారు. వీటిపై నిజానిజాలను తేల్చేందుకు జస్టిస్​ బాబ్​డే అధ్యక్షతన జస్టిస్​ ఇందు మల్హోత్రా, జస్టిస్​ ఇందిరా బెనర్జీలతో కూడిన త్రిసభ్య అంతర్గత విచారణ కమిటీని నియమించింది అత్యున్నత న్యాయస్థానం. మాజీ ఉద్యోగిని ఆరోపణలు నిరాధారమైనవని విచారణ అనంతరం సీజేఐకి సోమవారం క్లీన్​చిట్​ ఇచ్చింది కమిటీ.

ఇదీ చూడండి : సీజేఐకు అంతర్గత విచారణ కమిటీ క్లీన్​చిట్