ఇటీవలి సార్వత్రిక ఎన్నికలు దేశ చరిత్రలోనే అత్యంత ఖరీదైనవి
భారత దేశ చరిత్రలో ఎన్నడూ లేని విధంగా ఇటీవల ముగిసిన సార్వత్రిక ఎన్నికల్లో రాజకీయ పార్టీలు రూ.వేల కోట్లు వెచ్చించినట్లు సెంటర్ ఫర్ మీడియా స్టడీస్(సీఎంఎస్) సంస్థ నివేదిక వెల్లడించింది. ఎన్నికల ఖర్చుల తీరుతెన్నులు చూసి ప్రజాస్వామ్య శ్రేయోభిలాషులు నిర్ఘాంతపోయారని పేర్కొంది.
రూ.60వేల కోట్ల వ్యయం
ఈ ఎన్నికల్లో రాజకీయ పార్టీలు ఓటర్లపై వెచ్చించిన మొత్తం రూ.60వేల కోట్లకుపైగా ఉంటుందని సీఎంఎస్ వెల్లడించింది. ఒక్కో లోక్సభ నియోజకవర్గ పరిధిలో అభ్యర్థుల సగటు వ్యయం రూ.100కోట్లకుపైగా ఉందని తెలిపింది. ఇక రకరకాల ప్రచార వ్యూహాలు, ప్రచారాలు, బెట్టింగులు, ఇతరత్రా వ్యయాలన్నీ కలుపుకుంటే ఈ మొత్తం ఖర్చు అనూహ్యంగా ఉంటుందని సీఎంఎస్ పేర్కొంది.
సోమవారం దిల్లీలో జరిగిన ఓ కార్యక్రమంలో సీఎంఎస్ నివేదిక విడుదల చేసింది.