కర్ణాటకలోని కలబురగిలో స్కూటీపై వెళ్తున్న ఓ విద్యార్థిని గొంతుకు ప్రమాదవశాత్తు కొడవలి తగిలింది. తీవ్రగాయమై ఆమె అక్కడికక్కడే మృతి చెందింది. కరుణేశ్వర కాలనీకి చెందిన మేఘ అనే ఇంజినీరింగ్ విద్యార్థిని నాగనహళ్లికి వెళుతుండగా ప్రమాదం సంభవించింది. ఎదురుగా వస్తున్న ద్విచక్రవాహనానికి కట్టిన కొడవలి ఆమె గొంతును తీవ్రంగా గాయపరిచింది.
ఘటన జరిగిన వెంటనే స్పందించిన స్థానికులు... రక్తపు మడుగులో పడివున్న మేఘను ఆసుపత్రికి తరలించారు. అయితే అప్పటికే మేఘ మృతి చెందిందని వైద్యులు తెలిపారు.