69వ జన్మదినాన మోదీకి శుభాకాంక్షల వెల్లువ

భారత ప్రధాని నరేంద్ర మోదీ జన్మదినం సందర్భంగా పలువురు శుభాకాంక్షలు తెలిపారు. రాష్ట్రపతి రామ్​నాథ్​ కోవింద్​, ఉపరాష్ట్రపతి వెంకయ్యనాయుడు, రక్షణ మంత్రి రాజ్​నాథ్​ సింగ్​, భాజపా జాతీయ అధ్యక్షుడు, కేంద్ర హోం మంత్రి అమిత్​ షా, కాంగ్రెస్​ అధ్యక్షురాలు సోనియా సహా పలువురు ప్రముఖులు.. మోదీ ఆయురారోగ్యాలతో ఉండాలని ట్వీట్లు చేశారు.

నేడు 69వ వసంతంలోకి అడుగుపెట్టిన భారత ప్రధాని నరేంద్ర మోదీకి శుభాకాంక్షలు వెల్లువెత్తుతున్నాయి. దేశవ్యాప్తంగా పలువురు రాజకీయ ప్రముఖులు ఆయనకు అభినందనలు తెలిపారు.

మోదీ జన్మదినాన్ని పురస్కరించుకొని రాష్ట్రపతి రామ్​నాథ్​ కోవింద్​, ఉపరాష్ట్రపతి వెంకయ్యనాయుడు, రక్షణ మంత్రి రాజ్​నాథ్​, భాజపా జాతీయాధ్యక్షుడు, కేంద్ర హోం మంత్రి అమిత్​ షా, కాంగ్రెస్​ అధ్యక్షురాలు సోనియా సహా పలువురు నేతలు ప్రధానికి శుభాకాంక్షలు తెలిపారు.

''భారత ప్రధాని నరేంద్ర మోదీకి జన్మదిన శుభాకాంక్షలు. మీరు.. సుఖసంతోషాలతో ఆరోగ్యంగా ఉండాలని కోరుకుంటున్నా. మరెన్నో సంవత్సరాలు దేశానికి సేవ చేయండి.''
- రామ్​నాథ్​ కోవింద్​, భారత రాష్ట్రపతి

మరెన్నో జరుపుకోవాలి: వెంకయ్య

నరేంద్ర మోదీ నాయకత్వంలో దేశం.. స్థిరమైన ప్రగతి సాధిస్తోందని ప్రశంసించారు ఉపరాష్ట్రపతి వెంకయ్యనాయుడు. మోదీ నిర్దేశకత్వంలోని ఎన్డీఏ ప్రభుత్వ నిర్ణయాలు.. వేగవంతమైన అభివృద్ధితో పాటు భారత దేశాన్ని ప్రపంచ యవనికపై బలమైన దేశంగా నిలబెట్టాయన్న ఆయన.. మోదీ మరెన్నో పుట్టిన రోజులు జరుపుకోవాలని ఆకాంక్షిస్తున్నట్లు ట్విట్టర్​లో పేర్కొన్నారు.

వెంకయ్యనాయుడు ట్విట్

గొప్ప నేత మోదీ...

దృఢ సంకల్పం, కష్టపడే మనస్తత్వం ఉన్న గొప్ప నాయకుడిగా మోదీని అభివర్ణించారు అమిత్​ షా. నరేంద్ర మోదీ పాలనలో భారత దేశం ప్రపంచంలోనే శక్తిమంతమైన, భద్రత కలిగిన దేశంగా నిలిచిందని ట్వీట్​ చేశారు. మోదీ దార్శనికత... దేశాన్ని ఉన్నత స్థానంలో నిలుపుతోందని, మోదీ ఆయురారోగ్యాలతో జీవించాలని ప్రార్థిస్తున్నట్లు రాజ్​నాథ్​ సింగ్​ ట్వీట్​ చేశారు.

షా ట్వీట్​

సోనియా, మమతా శుభాకాంక్షలు...

ప్రధాని జన్మదినం సందర్భంగా కాంగ్రెస్​ అధ్యక్షురాలు సోనియా గాంధీ, బంగాల్​ సీఎం, తృణమూల్​ అధినేత్రి మమతా బెనర్జీ శుభాకాంక్షలు తెలిపారు. మోదీ ఆయురారోగ్యాలతో జీవించాలని ట్వీట్లు చేశారు.

దీదీ ట్విట్​

ఇదీ చూడండి:మహిళ శపథం... న్యాయం కోసం నిత్యం శిరోముండనం