'గంగలో మునిగితే ఇక అంతే సంగతులు'

భారత దేశంలో గంగా నదికి ఎంతో ప్రాముఖ్యత ఉంది. కానీ జీవ నది నీరు ఇప్పుడు తాగడానికి పనికిరాదని కాలుష్య నియంత్రణ బోర్డు తేల్చి చెప్పింది. స్నానాలు చేయడానికీ ఈ నీరు ఉపయోగించలేమని స్పష్టం చేసింది.

పవిత్రమైన గంగానది నీరు తాగడానికి పనికిరాదని కేంద్ర కాలుష్య నియంత్రణ బోర్డు(సీపీసీబీ) తేల్చి చెప్పింది. నీటిని శుద్ధి చేసినా... నది ప్రవహించే ఏడు ప్రదేశాల్లోనే నీరు తాగే అవకాశముందని తెలిపింది. నీటిలో కోలిఫార్మ్​ అనే బ్యాక్టీరియా అధికంగా ఉండటమే కారణమని వివరించింది.

సమాచార సేకరణ కోసం దేశవ్యాప్తంగా 86 పర్యవేక్షణ కేంద్రాలను ఏర్పాటు చేసింది బోర్డు. నీటిని శుద్ధి చేసి చేపట్టిన పరీక్షలో 7 ప్రాంతాల్లోని నీరు మాత్రమే తాగడానికి ఉపయోగపడుతుందని, మిగిలిన 78 ప్రాంతాలు పనికిరావని బోర్డు తేల్చింది. వీటిలో 18 ప్రాంతాలు స్నానాలకు వినియోగించవచ్చన్నారు.

గంగానది ప్రక్షాళనకు ప్రభుత్వం ఎన్నో కార్యక్రమాలు చేపట్టింది. నదీ కాలుష్య సమస్యను అధిగమించేందుకు జాతీయ హరిత ట్రిబ్యునల్​ చర్యలు చేపట్టింది. కానీ ఆశించిన ఫలితాలు దక్కడం లేదని సీపీసీబీ డేటాతో అర్థమవుతుంది.

ఇదీ చూడండి:ఇజ్రాయెల్​ పార్లమెంటు రద్దు.. మళ్లీ ఎన్నికలు