పత్రికా స్వేచ్ఛ ఏకపక్షం కాకూడదు: సుప్రీంకోర్టు

పత్రికా స్వేచ్ఛ ఏకపక్షం (వన్​ వే ట్రాఫిక్​) కాకూడదని సుప్రీంకోర్టు వ్యాఖ్యానించింది. మన దేశంలో పాత్రికేయం సాగుతున్న తీరుపై ఆవేదన వ్యక్తం చేసిన సుప్రీం.. ఇదేం పాత్రికేయమంటూ అసహనం వ్యక్తం చేసింది. తప్పుడు - కల్పిత కథనాలకు పత్రికా రంగంలో స్థానం లేదని వ్యాఖ్యానించింది.

మన దేశంలో పాత్రికేయం సాగుతున్న తీరుపై సుప్రీంకోర్టు ఆవేదన వ్యక్తం చేసింది. పత్రికా స్వేచ్ఛ ఏకపక్షం (వన్​ వే ట్రాఫిక్​) కాకూడదని పేర్కొంది. తప్పుడు-కల్పిత కథనాలకు పాత్రికేయంలో స్థానం లేదని వ్యాఖ్యానించింది.

'ది వైర్​' వార్తా పోర్టల్​తోపాటు ఆ సంస్థకు చెందిన కొందరు పాత్రికేయులపై కేంద్ర హోంమంత్రి అమిత్​ షా తనయుడు జయ్​ షా పరువునష్టం కేసు పెట్టారు. ఈ కేసు విచారణ సందర్భంగా జస్టిస్​ అరుణ్​ మిశ్ర, జస్టిస్​ ఎం.ఆర్​.షా, జస్టిస్​ గవయీలతో కూడిన ధర్మాసనం మంగళవారం ఈ వ్యాఖ్యలు చేసింది.

న్యాయస్థానాలు.... వివరణ కోరుతూ వ్యక్తులకు తాఖీదులు పంపిన తరువాత వార్తలను ప్రచురించేందుకు కొన్ని వార్తా సంస్థలు కనీసం 5-6 గంటలు కూడా వేచి ఉండకపోతుండడాన్ని న్యాయస్థానం తీవ్రంగా విమర్శించింది. ఇదేం పాత్రికేయమంటూ ఆగ్రహం వ్యక్తం చేసింది.

పరువు నష్టం కేసులో విచారణ ఎదుర్కొవాలంటూ గుజరాత్ హైకోర్టు ఇచ్చిన ఉత్తర్వులకు వ్యతిరేకంగా దాఖలు చేసిన అప్పీళ్లను ఉపసంహరించుకునేందుకు ది వైర్​, పాత్రికేయులను న్యాయస్థానం అనుమతించింది.

ఇదీ చూడండి: గాంధీ-150: జయాపజయాలు ఒకేచోట పరిచయం