నాలుగో దశ పోలింగ్ కొనసాగుతోంది. ఉదయం 10 గంటల వరకు 10.27 శాతం పోలింగ్ నమోదైంది. 9 రాష్ట్రాల్లోని 72 లోక్సభ నియోజకవర్గాల్లో ఎన్నిక జరుగుతోంది. 943 మంది అభ్యర్థులు బరిలో నిలిచారు.
ఉత్తర్ప్రదేశ్లో 21.18 శాతం, రాజస్థాన్లో 30 శాతం, పశ్చిమ బంగలో 34.71 శాతం, హారాష్టలో 6.82 శాతం, జార్ఖండ్లో 14.77 శాతం, బిహార్లో 15.6శాతం, మధ్యప్రదేశ్లో 15.3 , ఒడిశాలో 17 శాతం ఓటింగ్ నమోదైంది.
బరిలో ప్రముఖులు
అఖిలేశ్ యాదవ్ సతీమణి డింపుల్, మాజీ కేంద్రమంత్రి సల్మాన్ ఖుర్షిద్, కేంద్రమంత్రి సత్యదేవ్ పచౌరీ, సాక్షి మహారాజ్, ఊర్మిళ మతోంద్కర్ ఈ విడతలో తలపడుతున్న ప్రముఖులు.
ఈవీఎంల మొరాయింపు
బిహార్లోని బెగుసరాయి, ముంగేర్ నియోజకవర్గాల్లో ఈవీఎంలు మొరాయించాయి. ఫలితంగా పోలింగ్ పోలింగ్ ప్రారంభమైంది. బంగాల్లోని ఓ పోలింగ్ కేంద్రం వద్ద కేంద్ర బలగాల్ని మోహరించడం తమకు నచ్చలేదని ఎన్నికలను బహిష్కరించారు స్థానికులు. ఓటర్లు ఆందోళన చేస్తున్న కారణంగా ఆ బూత్లో ఎన్నికలను రద్దు చేశారు.
అసాన్సోల్లో ఘర్షణ
కేంద్రమంత్రి బాబుల్ సుప్రియో పోటీ చేస్తున్న బంగాల్లోని అసాన్సోల్లో ఘర్షణ చెలరేగింది. తమ ఏజెంట్కు లంచం ఇవ్వచూపారని సుప్రియోపై ఆరోపణ చేస్తూ తృణమూల్ కార్యకర్తలు ఆందోళనకు దిగారు. ఇరువర్గాల మధ్య ఘర్షణ వాతావరణం నెలకొనడంతో పోలీసులు ఆందోళనకారుల్ని చెదరగొట్టారు.
ప్రముఖుల ఓటు
బెగుసరాయి నుంచి పోటీ చేస్తున్న కేంద్రమంత్రి గిరిరాజ్ సింగ్, కన్నయ్యకుమార్ ఉదయమే ఓటు హక్కు వినియోగించుకున్నారు. ఎన్సీపీ అధినేత శరద్పవార్ ముంబయిలోని టార్డియో పోలింగ్ కేంద్రంలో ఓటు వేశారు. పారిశ్రామిక వేత్తలు అనిల్ అంబానీ, ఎన్. చంద్రశేఖరన్, ఆది గోద్రెజ్ ఉదయమే ఓటుహక్కు వినియోగించుకున్నారు.
ఈ విడతతో మహారాష్ట్ర, ఒడిశాల్లో ఎన్నికలు ముగియనున్నాయి.
