పాక్​ కుట్రలను ప్రపంచానికి చెప్పిన భారత్

ఇటీవల కశ్మీర్​లో జరిగిన నగ్రోటా ఘటనను ప్రపంచ దేశాల దృష్టికి తీసుకెళ్లింది భారత్​. ఉగ్రవాద సంస్థలకు పాకిస్థాన్‌ మద్దతుగా నిలుస్తోందని ఐక్యరాజ్యసమితి భద్రతా మండలిలోని ఐదు శాశ్వత సభ్యదేశాలకు భారత్‌ తెలిపింది.

నగ్రోటా ఘటన వ్యవహారంపై.. ఐక్యరాజ్యసమితి భద్రతా మండలిలోని ఐదు శాశ్వత సభ్యదేశాలకు భారత్‌ సమాచారం ఇచ్చింది. పాకిస్థాన్ కేంద్రంగా భారత్‌లో జరుగుతున్న ఉగ్ర కుట్రలనుఅంతర్జాతీయ వేదికపైకి తీసుకెళ్లింది.

సరిహద్దు ఉగ్రవాదంపై పీ-5 దేశాలకు భారత్​ సమాచారం ఇచ్చింది. పాకిస్థాన్.. ఉగ్రవాద సంస్థలకు మద్దతుగా నిలుస్తోందని తెలిపింది. అమెరికా, రష్యా, చైనా, ఇంగ్లండ్, ఫ్రాన్స్ దేశాలకు ఈ మేరకు విదేశాంగ శాఖ కార్యదర్శి హర్షవర్ధన్​ ష్రింగ్లా వివరించారు. ముంబయిపై ఉగ్రదాడి తరహా దాడులకు ప్రణాళిక రచించిన పాకిస్థాన్‌కు చెందిన నలుగురు జైషే మహ్మద్​ ఉగ్రవాదులను జమ్ముకశ్మీర్‌లోని నగ్రోటాలో భద్రతా బలగాలు హతమార్చాయి.