దిగ్విజయ్​పై బరిలో సాధ్వి ప్రగ్యా సింగ్​

మధ్యప్రదేశ్​ భోపాల్ లోక్​సభ స్థానం నుంచి భాజపా అభ్యర్థిగా సాధ్వి ప్రగ్యా సింగ్​ ఠాకుర్​ను బరిలోకి దిపింది అధిష్ఠానం. మాలేగావ్​ పేలుళ్ల కేసులో ప్రస్తుతం బెయిల్​పై ఉన్న ప్రగ్యా సింగ్​.. పార్టీలో చేరిన కొన్ని గంటల్లోనే భాజపా ఆమెకు కీలక స్థానాన్ని కేటాయించడం గమనార్హం.

మాలేగావ్​ పేలుళ్ల కేసులో నిందితురాలిగా ఉన్న సాధ్వి ప్రగ్యా సింగ్​ భాజపా తీర్థం పుచ్చుకున్నారు. పార్టీలో చేరిన కొన్ని గంటల్లోనే మధ్యప్రదేశ్​ భోపాల్​ లోక్​సభ స్థానంలో భాజపా అభ్యర్థిగా ప్రకటించింది అధిష్ఠానం. పార్టీకి కంచుకోటగా ఉన్న కీలక స్థానంలో హిందుత్వ అజెండాను మరోసారి ముందుకుతెచ్చింది కాషాయ పార్టీ.

ఈ స్థానం నుంచి కాంగ్రెస్​ అభ్యర్థిగా మధ్యప్రదేశ్ మాజీ ముఖ్యమంత్రి, కాంగ్రెస్​ సీనియర్ నేత దిగ్విజయ్​ సింగ్​ బరిలో ఉన్నారు.

ప్రగ్యా ప్రస్తుతం బెయిల్​పై ఉన్నారు. మాలేగావ్​ పేలుళ్ల కేసులో కోర్టు ఆమెను నిర్దోషిగా విడుదల చేసింది. నిబంధనల ప్రకారం ఇంకా విచారణను ఎదుర్కొంటున్నారు. ఎన్నికల్లో పోటీ చేయనున్నట్లు ప్రకటించిన సాధ్వి... తప్పకుండా విజయం సాధిస్తానని ధీమా వ్యక్తం చేశారు.

ఇదీ చూడండి: రెండో విడత పోలింగ్​కు సర్వం సిద్ధం