ఆకాశంలో అద్భుతం: 2020లో తొలి చంద్రగ్రహణం నేడే

ఈ ఏడాది తొలి చంద్రగ్రహణం నేడు రాత్రి సంభవించనుంది. రాత్రి 10.37 తర్వాత దేశవ్యాప్తంగా చంద్రగ్రహణం వీక్షించే వీలుంది. సంపూర్ణ చంద్రగ్రహణం ప్రభావం భారత్​లో పాక్షికంగా ఉండనుంది.

నేడు రాత్రి ఆకాశంలో అద్భుతం చోటుచేసుకోనుంది. ఈ ఏడాది తొలి సంపూర్ణ చంద్రగ్రహణం ఇవాళ రాత్రి ఏర్పడనుంది. భారత్​లో మాత్రం ఇది పాక్షికంగా కనిపించనుంది. దేశ నలుమూలల నుంచి ఈ అద్భుతాన్ని వీక్షించే వీలుంది.

చంద్రగ్రహణం నేడు (శుక్రవారం) రాత్రి 10.37 గంటల నుంచి 2.42 గంటల వరకు ఉండనుందని ఎం.పి.బిర్లా ప్లానిటోరియం అధికారి ఒకరు వెల్లడించారు. నేటితో కలిపి ఈ ఏడాది మొత్తం నాలుగు సార్లు (జూన్​ 5, జూలై 5, నవంబర్ 30 ) చంద్రగ్రహణం సంభవించనున్నట్లు తెలిపారు.

భారత్​తో పాటు ఆసియా, ఆఫ్రికా, ఆస్ట్రేలియా, ఐరోపాల్లోనూ చంద్రగ్రహణం ప్రభావం కనిపించనుంది.

ఇదీ చూడండి:దేశం చాలా క్లిష్ట పరిస్థితుల్లో ఉంది: సుప్రీం