నీరవ్ ​మోదీకి అరెస్ట్​ వారెంట్​

వజ్రాల వ్యాపారి నీరవ్​ మోదీపై లండన్​ వెస్ట్​ మినిస్టర్ కోర్టు అరెస్టు వారెంట్​ జారీ చేసింది. ఫలితంగా, పంజాబ్ నేషనల్​ బ్యాంక్​ కుంభకోణంలో ప్రధాన నిందితుడుగా ఉన్న నీరవ్​మోదీని స్వదేశానికి రప్పించేందుకు మార్గం సుగమమైంది.

పంజాబ్​ నేషనల్​ బ్యాంక్​ కుంభకోణం నిందితుడు నీరవ్​మోదీపై లండన్​లోని వెస్ట్ ​మినిస్టర్​ కోర్టు​ అరెస్టు వారెంట్​ జారీ చేసింది. భారత ఎన్​ఫోర్స్​మెంట్ డైరెక్టరేట్​ అభ్యర్థన మేరకు వెస్ట్​ మినిస్టర్ న్యాయస్థానం ఈ ఆదేశాలు జారీ చేసింది. లండన్​లోని నీరవ్​ నివాసానికి అరెస్టు వారెంట్​ పంపనున్న ఆధికారులు.. ఆ తర్వాత ఎప్పుడైనా అతనిని అరెస్టు చేసే అవకాశమున్నట్లు తెలుస్తోంది. అయితే ముందస్తు బెయిల్​ కోసం నీరవ్​ మోదీ కోర్టును ఆశ్రయించే అవకాశం ఉంది.

ఇదీ నేపథ్యం..

పీఎన్​బీలో సుమారు 2 బిలియన్​ డాలర్ల కుంభకోణానికి పాల్పడిన నీరవ్​మోదీ భారత్​ నుంచి పరారై లండన్​లో స్వేచ్ఛగా విహరిస్తున్నారు. ఈ విషయంపై ఈడీ... లండన్ వెస్ట్ మినిస్టర్​ న్యాయస్థానాన్ని ఆశ్రయించింది. ఫలితంగా న్యాయస్థానం అరెస్టు వారెంట్​ జారీ చేసింది. దీంతో వజ్రాల వ్యాపారి నీరవ్​మోదీని స్వదేశానికి రప్పించేందుకు మార్గం సుగమమైంది. నీరవ్​మోదీపై ఈడీ, సీబీఐ అక్రమ నగదు చెలామణి కేసు నమోదు చేసి దర్యాప్తు చేస్తున్న విషయం తెలిసిందే.