కశ్మీర్​లో ఇద్దరు జైషే ఉగ్రవాదులు హతం

జమ్ముకశ్మీర్​లోని షోపియాన్​​ జిల్లాలో ఇద్దరు జైషే మహ్మద్​ ఉగ్రవాదులను మట్టుబెట్టాయి భద్రతా దళాలు. పక్కా సమాచారంతో నిర్బంధ తనిఖీలు నిర్వహిస్తున్న జవాన్లపై ముష్కరులు కాల్పులకు తెగబడ్డారు. భద్రతా బలగాలు దీటుగా జవాబిచ్చాయి.

జమ్ముకశ్మీర్​ షోపియాన్​​ జిల్లాలో భద్రతా దళాలు, ఉగ్రవాదుల మధ్య జరుగుతున్న ఎన్​కౌంటర్లో ఇద్దరు ముష్కరులు హతమయ్యారు. వీళ్లను జైషే మహ్మద్​ ఉగ్రసంస్థకు చెందినవారిగా గుర్తించినట్లు జిల్లా ఎస్​పీ ప్రకటించారు. వీరి దగ్గరి నుంచి వివిధ రకాల ఆయుధాలు, పేలుడు పదార్ధాలు స్వాధీనం చేసుకున్నామని తెలిపారు.

పక్కా సమాచారంతో...

పక్కా సమాచారంతో ఉదయం గహంద్ ప్రాంతంలో పోలీసులు నిర్బంధ తనిఖీలు చేపట్టారు. ఆ సమయంలో ఉగ్రవాదులు కాల్పులకు తెగబడ్డారు. భద్రతా బలగాలు దీటుగా బదులిస్తున్నాయి.