వైరల్​: ఆకలితో రెస్టారెంట్​కు వెళ్లిన గజరాజు

ఆకలితో అలమటించిన ఓ ఏనుగు ఎంచక్కా రెస్టారెంట్​కు వెళ్లింది. ఆహార పదార్థాల కోసం వెతికింది. తినేందుకు ఏమీ దొరకపోగా... హంగామా ఏమీ చేయకుండా నిరాశగా వెనుదిరిగింది. తమిళనాడులలోని కోయంబత్తూర్​లో జరిగిందీ ఘటన.

ఓ గజరాజుకు అడవిలో తినేందుకు ఏమీ దొరకలేదేమో ఆకలితో అలమటిస్తూ జనావాసాల్లోకి చేరింది. కనిపించిన రెస్టారెంట్​లోకి చొరబడి... ఆహారం కోసం వెతికింది. కానీ అందుబాటులో ఏమీ కనిపించలేదు. నిరాశగా వెనుదిరిగింది ఆ ఏనుగు. కోయంబత్తూర్​లో జరిగిన ఈ ఘటన సీసీటీవీ కెమెరాల్లో రికార్డయింది.

ఏనుగు వచ్చిన సమయంలో తమ ఉద్యోగులు బిజీగా ఉన్నారని రెస్టారెంట్ వర్గాలు చెప్పాయి.

కోయంబత్తూర్, అనకట్టి, మంకరాయి ప్రాంతాల్లో 50 అడవి ఏనుగులు ఈ విధంగా సంచరిస్తున్నాయని స్థానికులు అంటున్నారు. ఆహారం కోసం ఏనుగులు జనావాసాల్లోకి రావడం నిత్యకృత్యమైపోయిందని వాపోయారు.

ఇదీ చూడండి: బేటీ బచావోపై లోగోతో విద్యార్థుల రికార్డు