హిందీని బలవంతంగా రుద్దొద్దు: రజనీ

దేశంలో ఉమ్మడి భాష విధానాన్ని అమలు చేయడం సాధ్యం కాదన్నారు ప్రముఖ నటుడు సూపర్​ స్టార్ రజనీకాంత్​. హిందీని బలవంతంగా రుద్దాలనుకోవడం సరైన నిర్ణయం కాదని అభిప్రాయం వ్యక్తం చేశారు.

దేశ వ్యాప్తంగా హిందీ ఉమ్మడి భాషగా ఉండాలన్న కేంద్ర హోంమంత్రి అమిత్​షా వ్యాఖ్యలపై స్పందించారు ప్రముఖ నటుడు రజనీకాంత్. హిందీ భాషను బలవంతంగా రుద్దడం దక్షిణాది రాష్ట్రాల్లోనే కాకుండా, పలు ఉత్తరాది రాష్ట్రాల్లోనూ సమ్మతం కాదన్నారు.

ఏ దేశానికైనా ఉమ్మడి భాష ఉండడం ఆ దేశ ఐక్యతకు, అభివృద్ధికి మంచిదని తెలిపిన రజనీ... మన దేశంలో మాత్రం ఒక ఉమ్మడి భాషను తీసుకురావడం అసాధ్యమని తెలిపారు. హిందీని బలవంతంగా రుద్దితే తమిళనాడే కాకుండా మిగతా దక్షిణాది రాష్ట్రాలు,పలు ఉత్తర భారత రాష్ట్రాలు కూడా వ్యతిరేకిస్తాయన్నారు.

ఇదీ చూడండి: కొడుకు ఉద్యోగం కోసం భర్తను ముక్కలుగా నరికిన మహిళ