ప్రపంచాన్ని వణికిస్తోన్న కరోనా మహమ్మారి.. చికిత్సకు దొరక్కుండా ఉత్పరివర్తనం చెందుతోందని అనుమానాలు వ్యక్తమవుతున్నాయి. ఈ నేపథ్యంలో భారత పరిశోధన సంస్థ- కౌన్సిల్ ఫర్ సైంటిఫిక్ అండ్ ఇండస్ట్రియల్ రీసెర్చ్(సీఎస్ఐఆర్) వైరస్‌కు చెందిన 53 జన్యు క్రమాల వివరాలను గ్లోబల్ డేటాబేస్కు సమర్పించింది.
'కరోనా వ్యాక్సిన్ అభివృద్ధిలో సీఎస్ఐఆర్ ముందడుగు' - CSIR researches
చికిత్సకు దొరక్కుండా రూపాన్ని మార్చుకుంటూ ఎన్నో అనుమానాలు రేకెత్తిస్తోంది కరోనా. అయితే ఈ వైరస్పై భారత పరిశోధన సంస్థ సీఎస్ఐఆర్.. వైరస్ సంబంధిత జన్యు క్రమాల వివరాలను గ్లోబల్ డేటాబేస్కు సమర్పించింది. ఈ వివరాలు వైరస్ను అర్థం చేసుకోవడం సహా.. వ్యాక్సిన్ అభివృద్ధికి కూడా కీలకం కానున్నాయని సీఎస్ఐఆర్ తెలిపింది.
కరోనా వ్యాక్సిన్ అభివృద్ధి చర్యల్లో సీఎస్ఐఆర్ ముందడుగు
ఈ వివరాలు వైరస్ను అర్థం చేసుకోవడమే కాకుండా.. వ్యాక్సిన్ అభివృద్ధికీ ఉపకరిస్తున్నాయని సీఎస్ఐఆర్ తెలిపింది. వీటితో సహా మరో 450 వైరస్ జన్యు క్రమాలను ఈ నెల 15లోగా డేటాబేస్కు ఇవ్వనున్నట్లు సీఎస్ఐఆర్ డైరెక్టర్‌ శేఖర్‌ మండే తెలిపారు. కరోనా జన్యు క్రమాలపై సీఎస్ఐఆర్ పరిశోధనా సంస్థలైన సీసీఎంబీ- హైదరాబాద్‌, ఐజీఐబీ- దిల్లీ విస్తృత స్థాయిలో పరిశోధనలు చేస్తున్నట్లు వివరించారాయన. ఈ జన్యు పరిశోధనలు ముఖ్యంగా డీఎన్‌ఏలోని న్యూక్లియోటైడ్‌ల క్రమాన్ని గుర్తిస్తాయని మండే తెలిపారు. తద్వారా ఒక జీవి పెరుగుదల, అభివృద్ధిని నిర్దేశించడానికి జన్యువులు ఎలా కలిసి పనిచేస్తాయో అర్థం చేసుకోవడానికి ఉపయోగపడతాయని పేర్కొన్నారు.
ఇదీ చదవండి:మందుబాబులకు ఇంటికే మద్యం.. 'సర్కార్' గ్రీన్ సిగ్నల్